شگر بازار میں فوڈ ایکٹ 2022 پر عملدرآمد کیلئے چیکنگ مہم، متعدد دکانوں کو وارننگ
رپورٹ، 5 سی این نیوز
شگر بازار میں فوڈ ایکٹ 2022 پر عملدرآمد کیلئے چیکنگ مہم، متعدد دکانوں کو وارننگ, بحکم سیکریٹری فوڈ گلگت بلتستان سردار اسد ہارون اور ڈسٹرکٹ فوڈ کنٹرولر (DFC) سید طاہر حسین کی ہدایات پر ضلع شگر میں فوڈ ایکٹ 2022 پر عملدرآمد کو یقینی بنانے کے لیے چیکنگ مہم کا آغاز کر دیا گیا۔ فوڈ انسپکٹر اختر عباس، منیر احمد، جوہر علی، احمد علی اور علی محمد نے شگر بازار کے مختلف علاقوں کا دورہ کیا۔ اس موقع پر دکانوں، جنرل اسٹورز اور بیکریوں کا تفصیلی معائنہ کیا گیا۔ دورانِ معائنہ اشیائے خورد و نوش کے معیار، صفائی کے انتظامات اور حفظانِ صحت کے اصولوں کا جائزہ لیا گیا جبکہ اشیاء کی میعادِ استعمال (ایکسپائری ڈیٹ) بھی چیک کی گئی۔ خلاف ورزی کے مرتکب دکانداروں کو موقع پر سخت ہدایات جاری کی گئیں اور ایس او پیز پر مکمل عملدرآمد کی تاکید کی گئی۔ فوڈ حکام نے خبردار کیا کہ غیر معیاری یا زائد المیعاد اشیاء فروخت کرنے والوں کے خلاف فوڈ ایکٹ 2022 کے تحت قانونی کارروائی عمل میں لائی جائے گی۔ انہوں نے عوام سے بھی اپیل کی کہ وہ معیاری اور محفوظ اشیاء کی خریداری کو یقینی بنائیں اور کسی بھی شکایت کی صورت میں محکمہ فوڈ سے رابطہ کریں۔
urdu news update Inspection Drive in Shigar Bazaar
ویلنٹائن ڈے کی اصل تاریخ اور ہمارے لڑکے لڑکیاں ۔ طہ علی تابشٓ بلتستانی
