لاہور لاہور میں جشنِ آزادی شگر کی پروقار تقریب، گلگت بلتستان کے آئینی حقوق پر زور
رپورٹ، 5 سی این نیوز
لاہور لاہور میں جشنِ آزادی شگر کی پروقار تقریب، گلگت بلتستان کے آئینی حقوق پر زور
لاہور لاہور میں جشنِ آزادی شگر کی پروقار تقریب، گلگت بلتستان کے آئینی حقوق پر زور, لاہور بار ایسوسی ایشن اور پنجاب گلگت بلتستان فرینڈ شپ فورم کے زیر اہتمام ایوانِ عدل لاہور میں جشنِ آزادی شگر کی ایک پروقار تقریب کا انعقاد کیا گیا، جس میں مختلف سیاسی و سماجی شخصیات اور وکلاء کی بڑی تعداد نے شرکت کی۔ تقریب میں شگر سے سرپرستِ اعلیٰ پی ٹی آئی وزیر محمد نسیم شگری، کشمیر سے پاکستان مسلم لیگ (ن) خواتین ونگ کی صدر محترمہ مریم کشمیری، صدر پاکستان مسلم لیگ (ن) لائرز فورم پنجاب محترم رانا ظفر اقبال، اور آل کمبوہ ورلڈ ایسوسی ایشن کے سیکرٹری جنرل محترم عنایت اللہ مدنی شریک ہوئے۔ صدر لاہور بار ایسوسی ایشن محترم عرفان حیات باجوہ، جوائنٹ سیکرٹری محترمہ ثمینہ بسرا، فنانس سیکرٹری محترم ذوہیب خان، لاہور شگر بار کے کوآرڈینیٹرز محترم سجاد راجپوت، محترم فرید بھٹی، محترم محسن مسعود سمیت دیگر وکلاء نے سفیرِ شگر منور مسعود ہیرا ایڈووکیٹ کے ہمراہ معزز مہمانوں کا پرتپاک استقبال کیا۔ اس موقع پر راجہ محمد اعظم خان کا خصوصی پیغام بھی شرکاء کو سنایا گیا۔ مقررین نے گلگت بلتستان کے آئینی حقوق کی جدوجہد کو سراہتے ہوئے اس عزم کا اعادہ کیا کہ وہ اس سلسلے میں مشترکہ کاوشیں جاری رکھیں گے۔ مریم کشمیری نے شگر کی تحریکِ آزادی کو خراجِ تحسین پیش کرتے ہوئے اہلِ شگر کو آزادی کی مبارکباد دی۔ وزیر محمد نسیم شگری نے اپنے خطاب میں کہا کہ آئینی حقوق کے بغیر آزادی ادھوری ہے اور گلگت بلتستان کے عوام کو مکمل آئینی شناخت دینا وقت کی اہم ضرورت ہے۔ رانا ظفر اقبال نے یقین دہانی کرائی کہ وہ گلگت بلتستان کے عوام کے مطالبات اپنی قیادت کے سامنے پیش کریں گے اور پنجاب گلگت بلتستان فرینڈ شپ فورم کے پلیٹ فارم سے خطے کے عوام کے لیے ترقی کے نئے راستے ہموار کیے جائیں گے۔ صدر لاہور بار ایسوسی ایشن عرفان حیات باجوہ نے کہا کہ لاہور بار اور پنجاب کے وکلاء گلگت بلتستان کے آئینی حقوق کے حصول کے لیے اپنا مثبت کردار ادا کرتے رہیں گے۔ تقریب کے اختتام پر سفیرِ شگر منور مسعود ہیرا ایڈووکیٹ نے بار اور تمام حلقۂ اربابِ اختیار کے سامنے گلگت بلتستان کا مقدمہ پیش کرتے ہوئے آئینی حقوق کا بھرپور مطالبہ کیا۔ انہوں نے کہا کہ وہ دن دور نہیں جب گلگت بلتستان میں آئینی حقوق کا سورج طلوع ہوگا۔
urdu news update Independence Day Ceremony
GB زمینی عناصر کی صلاحیت ، محسن علی شگری
