شگر غازیاں شگر کے یومِ تاسیس کے موقع پر شگر میں ایک اہم اور پروقار اجلاس منعقد ہوا، جس میں غازیوں کی بڑی تعداد نے شرکت
رپورٹ، 5 سی این نیوز
شگر غازیاں شگر کے یومِ تاسیس کے موقع پر شگر میں ایک اہم اور پروقار اجلاس منعقد ہوا، جس میں غازیوں کی بڑی تعداد نے شرکت کی۔ اجلاس میں تنظیم کی سابقہ فلاحی خدمات کو سراہتے ہوئے آئندہ سیاسی میدان میں بھی فعال کردار ادا کرنے کے عزم کا اظہار کیا گیا۔ اجلاس کی صدارت سرپرستِ اعلیٰ حاجی وزیر دفاع نے کی۔ اس موقع پر غازیاں گلگت کے سینئر نائب صدر وزیر عبد الکریم، صوبیدار میجر (ر) غلام محمد اور صوبیدار (ر) رشید سمیت دیگر اہم عہدیداران اور غازی حضرات بھی موجود تھے۔ مقررین نے اپنے خطاب میں کہا کہ گلگت بلتستان کے تمام غازی متحد ہیں اور وہ نہ صرف اپنے ذاتی حقوق بلکہ پورے خطے کے حقوق کے لیے جس جرأت اور یکجہتی سے جدوجہد کر رہے ہیں وہ قابلِ ستائش ہے۔ ان کا کہنا تھا کہ غازیوں کی یہ مشترکہ جدوجہد مستقبل میں بھی بھرپور جذبے کے ساتھ جاری رہے گی تاکہ علاقے کی ترقی، عوامی مسائل کے حل اور آنے والی نسلوں کے بہتر مستقبل کو یقینی بنایا جا سکے۔اجلاس کے شرکاء نے تنظیم کو مزید فعال بنانے، فلاحی سرگرمیوں کے دائرہ کار کو وسیع کرنے اور نوجوانوں کی رہنمائی کے لیے مربوط حکمتِ عملی وضع کرنے پر بھی اتفاق کیا۔
urdu news update, Gather Ghazian Shigar
دن بھر کی اہم خبروں کی لنک ملاحظہ فرمائیں،
معین خان کے انتقال کی جعلی خبر، ایم کیو ایم رہنما نے اسمبلی میں مغفرت کی دعا کی درخواست کر ڈالی
سوشل میڈیا کا نیا محاذ اور بگڑتی ہوئی نسل ، یاسر دانیال صابری
