شگر یونین کونسل نر شگر کا اہم تاریخی حصہ ہے اور رہے گا اسے کسی صورت کسی دیگر اضلاع شامل نہیں ہونے دینگے. سول سوسائٹی شگر
شگر یونین کونسل نر شگر کا اہم تاریخی حصہ ہے اور رہے گا اسے کسی صورت کسی دیگر اضلاع شامل نہیں ہونے دینگے. سول سوسائٹی شگر
شگر(عمران شگری ، زمان اخوندزادہ) سول سوسائٹی شگر کا شگر کے اہم یونین کونسل نر اور غوڑو کو سکردو میں ضم کرنے کی کسی بھی اقدام کی بھرپور مزاحمت کرنے کا اعلان ۔ یونین کونسل نر شگر کا اہم تاریخی حصہ ہے اور رہے گا اسے کسی صورت کسی دیگر اضلاع شامل نہیں ہونے دینگے ۔ سول سوسائٹی شگر کا اہم اجلاس شگر کے مقامی ہوٹل میں منعقد ہوا جس میں تمام ممبران نے اور شیخ حسن جوہری نےشرکت کی۔ اجلاس سے خطاب کرتے ہوئے سول سوسائٹی شگر کے ممبران نے کہا کہ ہمیں ذرائع سے معلوم ہوا ہے کہ ضلع شگر کے اہم حصہ یونین کونسل نر جو اندرون خانہ سکردو میں شامل کرنے کی کوششیں کی جارہی ہے۔ جوکہ قابل مذمت اور شگر کی جغرافیائی حدود میں مداخلت اور کم کرنے کی مذموم کوشش ہے۔ جسے شگر کے عوام ہرگز قبول نہیں کریں گے ۔ نر اور غوڑو بندوبست اور سروے آف پاکستان کے مطابق ضلع شگر کا اہم حصہ ہے اور رہے گا۔ اور کسی کی خواہش پر اسے سکردو یا کسی دوسرے ضلع میں شامل نہیں ہونے دینگے۔ مقررین نے اس معاملے کو ڈپٹی کمشنر شگر کے سامنے رکھنے کا فیصلہ کیا ہے تاہم زبردستی اسے کسی دوسرے ضلع میں شامل کیا گیا تو سول سوسائٹی شگر بھر پور احتجاج کرینگے اور فیصلہ واپس لینے تک دھرنا دینے پر مجبور ہونگے۔ لہذا شگر کے عوام کے خواہشات کے برعکس کسی بھی فیصلے سے باز رہے۔
urdu news Union Council is an important historical part of Nar shigar
