لاہور اور ملتان میں سموگ کی شدت برقرار، مزید پابندیوںکا امکان
لاہور اور ملتان میں سموگ کی شدت برقرار، مزید پابندیوںکا امکان
رپورٹ، 5 سی این نیوز
لاہور اور ملتان میں سموگ کی شدت برقرار، مزید پابندیوںکا امکان، پنجاب کے مختلف شہروں خصوصاً لاہور اور ملتان میں سموگ اور دھند کی شدت بڑھنے کے باعث کئی نئے اقدامات اور پابندیاں نافذ کر دی گئی ہیں۔
لاہور دنیا کا دوسرا آلودہ ترین شہر
لاہور کا ایئر کوالٹی انڈیکس خطرناک حد تک بڑھ گیا ہے، ڈی ایچ اے کے علاقے میں اے کیو آئی 1324 جبکہ غازی روڈ پر 850 ریکارڈ کیا گیا۔
تعلیمی ادارے بند، آن لائن کلاسز کا آغاز
سموگ کے باعث لاہور اور ملتان کی تمام یونیورسٹیاں اور کالجز بند کر دیے گئے ہیں، جبکہ طلبہ کے لیے آن لائن تعلیم کا انتظام کیا گیا ہے۔ پنجاب کے تمام اسکول 24 نومبر تک بند رہیں گے۔
تعمیراتی اور صنعتی سرگرمیوں پر پابندی
لاہور اور ملتان میں تمام تعمیراتی کاموں پر پابندی عائد کر دی گئی ہے۔ اینٹوں کے بھٹے اور فرنس انڈسٹریز بھی بند رہیں گی، جبکہ ہیوی ٹریفک کے ان شہروں میں داخلے پر مکمل پابندی ہوگی۔
ریستورانوں اور ہسپتالوں کے اوقات کار میں تبدیلی
ریستوران صرف شام 4 بجے تک کھلے رہیں گے، جبکہ 4 سے 8 بجے تک ٹیک اوے کی اجازت ہوگی۔ ہسپتالوں کی او پی ڈیز رات 8 بجے تک فعال رہیں گی اور تمام طبی عملے کی چھٹیاں منسوخ کر دی گئی ہیں۔
موٹروے مختلف مقامات سے بند
دھند اور سموگ کے باعث موٹروے کے مختلف سیکشنز بند کر دیے گئے ہیں۔ مسافروں کو غیر ضروری سفر سے گریز کرنے اور فوگ لائٹس کے استعمال کی ہدایت دی گئی ہے۔
عوام سے اپیل
حکومت نے شہریوں سے اپیل کی ہے کہ سموگ کی شدت کم کرنے کے لیے ذمہ دار شہری کا کردار ادا کریں، غیر ضروری گاڑیوں کا استعمال نہ کریں اور آلودگی پھیلانے والے عوامل سے گریز کریں۔
یہ تمام اقدامات 24 نومبر تک نافذ رہیں گے تاکہ سموگ کے اثرات کو کم سے کم کیا جا سکے۔ urdu-news-564 لاہور اور ملتان میں سموگ کی شدت برقرار، مزید پابندیوںکا امکان
ایک ادبی نشست علی اکبر ناطق کے ساتھ، راہی شگری
ڈونلڈ ٹرمپ کی واپسی! پروفیسر قیصر عباس
اسکردو یونیورسٹی آف بلتستان ادبی تنظیم کی تقریب حلف برداری
