پنجاب میں سموگ کی روک تھام کے لیے مارکیٹیں رات 8 بجے بند کرنے کا حکم، ہیوی ٹریفک پر بھی پابندی
پنجاب میں سموگ کی روک تھام کے لیے مارکیٹیں رات 8 بجے بند کرنے کا حکم، ہیوی ٹریفک پر بھی پابندی
رپورٹ، 5 سی این نیوز
لاہور ہائیکورٹ نے سموگ اور ماحولیاتی آلودگی سے نمٹنے کے لیے پنجاب بھر میں رات 8 بجے تمام مارکیٹیں بند کرنے کا حکم دیا ہے۔ جسٹس شاہد کریم نے اس کیس کی سماعت کے دوران کہا کہ یہ اقدام سموگ کی شدت کو کم کرنے کے لیے ضروری ہے۔ عدالت نے دھواں چھوڑنے والی بسوں، ٹرکوں، اور ٹرالروں کے شہر میں داخلے پر بھی پابندی عائد کر دی ہے۔
عدالت نے زور دیا کہ ہیوی ٹریفک سموگ کی اہم وجہ ہے اور ڈولفن پولیس و دیگر اہلکاروں کو ٹریفک کنٹرول کرنے کے لیے تعینات کیا جائے گا۔ جسٹس شاہد کریم نے یہ بھی ہدایت کی کہ فٹنس سرٹیفکیٹ کے بغیر کسی بھی گاڑی کو سڑک پر نہ آنے دیا جائے اور آلودگی پھیلانے والی گاڑیوں پر 50 ہزار روپے جرمانہ عائد کیا جائے۔
جسٹس شاہد کریم نے کہا کہ حکومت عدالتی احکامات کو سنجیدگی سے نہیں لے رہی، اور افسران کو چاہیے کہ رات کے وقت شہر کا جائزہ لیں۔ انہوں نے یہ بھی کہا کہ سموگ کے مسئلے سے نمٹنے کے لیے طویل المدتی اقدامات ضروری ہیں، اور اس کے نتائج پانچ سال تک ظاہر ہوں گے۔
عدالت نے سموگ کی شدت کے پیش نظر صوبے بھر میں ورک فرام ہوم پالیسی کے نفاذ کا بھی حکم دیا، جبکہ اتوار کے روز مارکیٹیں بند رکھنے کی ہدایت جاری کی گئی ہے۔ دھواں چھوڑنے والی گاڑیوں پر موٹر وے اور رنگ روڈز کے استعمال پر بھی پابندی لگانے کا حکم دیا گیا۔
جسٹس شاہد کریم نے کہا کہ اس مسئلے کے فوری حل کی بجائے مسلسل اور مؤثر اقدامات کی ضرورت ہے، جیسا کہ چین نے اپنی سموگ کنٹرول پالیسیوں کے ذریعے کامیابی حاصل کی ہے۔
urdu-news-514
پاکستان میں توانائی کے شعبے میں بڑی پیشرفت، تیل کی ریفائنریوں کی اپ گریڈیشن کا منصوبہ
ڈونلڈ ٹرمپ نے سوزی وائلز کو وائٹ ہاؤس کا چیف آف اسٹاف مقرر کردیا، تاریخ رقم
