علیم ڈار کا ڈومیسٹک کرکٹ سے ریٹائرمنٹ کا اعلان، 2024 کے اختتام پر کرکٹ کو الوداع کہیں گے
علیم ڈار کا ڈومیسٹک کرکٹ سے ریٹائرمنٹ کا اعلان، 2024 کے اختتام پر کرکٹ کو الوداع کہیں گے
رپورٹ، 5 سی این نیوز
عالمی شہرت یافتہ امپائر علیم ڈار نے اعلان کیا ہے کہ وہ 2024-25 کے ڈومیسٹک سیزن کے اختتام پر امپائرنگ سے ریٹائر ہو جائیں گے۔ علیم ڈار 145 ٹیسٹ اور 231 ون ڈے انٹرنیشنل میچز میں امپائرنگ کا عالمی ریکارڈ رکھتے ہیں۔ وہ مسلسل تین سال تک آئی سی سی کے بہترین امپائر کا ایوارڈ جیتنے کا منفرد اعزاز بھی اپنے نام کر چکے ہیں۔علیم ڈار نے 1998 کی قائداعظم ٹرافی کے دوران فرسٹ کلاس امپائرنگ کا آغاز کیا اور 2003 سے 2023 تک آئی سی سی ایلیٹ پینل میں اپنی خدمات انجام دیں۔ ان کی کھیل کے قوانین، حالات کی سمجھ بوجھ اور پرسکون رویے کی وجہ سے انہیں عالمی سطح پر سراہا گیا۔ڈومیسٹک کرکٹ سے ریٹائرمنٹ کا اعلان کرتے ہوئے علیم ڈار نے کہا کہ وہ اپنی پیشہ ورانہ زندگی کے اس شاندار سفر کے دوران حاصل ہونے والی کامیابیوں پر فخر محسوس کرتے ہیں اور اپنے تمام ساتھیوں، کرکٹرز اور مداحوں کا شکریہ ادا کرتے ہیں۔
urdu-news-299
پاکستان کرکٹ بورڈ کا کنکشن کیمپ، پاکستان کرکٹ کی نئی حکمت عملی پر غور
