شگر ڈائریکٹر جنرل ڈیزاسٹر مینجمنٹ اتھارٹی گلگت بلتستان ذاکر حسین نے پریس کلب شگر کے صدر عابد شگری کے گھر جا کر اُن کی والدہ محترمہ کے انتقال پر دلی تعزیت
شگر ڈائریکٹر جنرل ڈیزاسٹر مینجمنٹ اتھارٹی گلگت بلتستان ذاکر حسین نے پریس کلب شگر کے صدر عابد شگری کے گھر جا کر اُن کی والدہ محترمہ کے انتقال پر دلی تعزیت کی۔ اس موقع پر انہوں نے مرحومہ کے ایصالِ ثواب، درجات کی بلندی اور پسماندگان کے لیے صبرِ جمیل کی دعا کی اور دکھ کی اس گھڑی میں اہلِ خانہ سے بھرپور ہمدردی کا اظہار کیا۔ بعد ازاں ڈی جی ڈی ایم اے ذاکر حسین نے شگر کے علاقے لمسہ پڑی میں پیش آنے والے افسوسناک حادثے میں جان بحق ہونے والے محکمہ مال شگر کے فیلڈ اسٹاف محمد اسلم، شرافت حسین اور محمد کاظم کے گھروں کا دورہ کیا۔ انہوں نے مرحومین کے لواحقین سے ملاقات کر کے گہرے دکھ اور رنج کا اظہار کیا، حادثے پر افسوس کا اظہار کرتے ہوئے مرحومین کی مغفرت اور لواحقین کے لیے صبر و استقامت کی دعا کی۔ ذاکر حسین نے کہا کہ متاثرہ خاندانوں کے غم میں ضلعی انتظامیہ اور متعلقہ ادارے برابر کے شریک ہیں اور اس سانحے پر پوری قوم سوگوار ہے۔
شگر ڈائریکٹر جنرل ڈیزاسٹر مینجمنٹ اتھارٹی گلگت بلتستان ذاکر حسین نے پریس کلب شگر کے صدر عابد شگری کے گھر جا کر اُن کی والدہ محترمہ کے انتقال پر دلی تعزیت