ڈپٹی کمشنر شگر ولی اللہ فلاحی نے آج شگر ڈس ایبلٹی فورم کے زیر اہتمام عالمی یوم معذور کی مناسبت سے منعقدہ تقریب میں شریک ہوئے
ڈپٹی کمشنر شگر ولی اللہ فلاحی نے آج شگر ڈس ایبلٹی فورم کے زیر اہتمام عالمی یوم معذور کی مناسبت سے منعقدہ تقریب میں شرکت کی جسمیں ممبر جی بی اسمبلی راجہ محمد اعظم خان، کمشنر بلتستان ڈویژن ، ایس ایس پی شگر شیر احمد، اسسٹنٹ کمشنر شگر حمزہ مراد اور دیگر مختلف شعبہ ہائے زندگی سے تعلق رکھنے والے افراد کے علاوہ معذور افراد کی کثیر تعداد نے شرکت کی۔ تقریب سے راجہ محمد اعظم خان، کمشنر بلتستان اور ڈپٹی کمشنر شگر سمیت دیگر نے خطاب کیا فضل حسین صدر ایس ڈی ایف اور نور علی صدر کے ٹو بلائنڈ ویلفیئر آرگنائزیشن نے اپنے خطاب میں ڈس ایبل پرسنز کی جانب سے مہمانان اور دیگر شرکاء کا شکریہ ادا کیا اور معذور افراد کو درپیش مسائل سے شرکاء کو آگاہ کیا۔ راجہ اعظم خان نے اپنے گفتگو میں کہا کہ انہوں نے اپنے سب سے پہلی اے ڈی پی میں معذور افراد کے لئے ووکیشنل سینٹر کی سکیم منظور کرایا جو اس وقت پی سی ون کی منظوری کے مرحلے پر ہے کمشنر بلتستان اور ڈی سی شگر نے مذکورہ سکیم کے لئے زمین کی فراہمی اور اس سے پہلے سوشل سینٹر کے لئے بلڈنگ فراہم کرنے کی یقین دہانی کرائی اس کے علاوہ ان افراد سے متعلق مسائل کی حل کے لئے ہر ممکن کوشش کرنے کا وعدہ بھی کیا۔ انہوں نے اپنی گفتگو میں مزید کہا کہ سپیشل پرسنز معاشرے کا اہم حصہ ہیں ان کو ساتھ لے کرچلے بغیر معاشرہ ترقی نہیں کرسکتا۔

UrduUrdu news,DC Shigar participated in the event organized by Shigar Disability Forum..
پبلک ریلیشن آفیسر برائے ڈی سی شگر