شگر، جامعۃ الزہرا مرہ پی شگر کی خواتین نے اسلام آباد میں مسجد و امام بارگاہ خدیجہ الکبریٰ پر پیش آنے والے خودکش دھماکے کے خلاف احتجاجی مظاہرہ
رپورٹ، 5 سی این نیوز
شگرجامعۃ الزہرا مرہ پی کی خواتین کا اسلام آباد دھماکے کے خلاف احتجاج، جامعۃ الزہرا مرہ پی شگر کی خواتین نے اسلام آباد میں مسجد و امام بارگاہ خدیجہ الکبریٰ پر پیش آنے والے خودکش دھماکے کے خلاف احتجاجی مظاہرہ کیا۔ احتجاجی جلوس امام بارگاہ مرہ پی پائن سے شروع ہوا اور جامعۃ الزہرا میں اختتام پذیر ہوا۔ مظاہرے میں بڑی تعداد میں خواتین نے شرکت کی اور ہاتھوں میں بینرز اور پلے کارڈز اٹھا رکھے تھے، جن پر دہشت گردی کے خلاف اور امن و سلامتی کے قیام کے نعرے درج تھے۔ مظاہرین نے دھماکے کی شدید الفاظ میں مذمت کی اور کہا کہ عبادت گاہوں پر حملہ پوری انسانیت پر حملہ ہے۔ انہوں نے حکومت اور سکیورٹی اداروں سے فوری اور مؤثر اقدامات کرنے کا مطالبہ کیا تاکہ ایسے افسوسناک واقعات دوبارہ رونما نہ ہو۔
urdu news update women protest
