شگر مردہ سکیموں کا قبرستان بن چکا ہے، رمضان کے بعد احتجاج کا عندیہ، نائب امام جمعہ جامع مسجد امامیہ شگر، شیخ نثار مہدی حیدری نے نماز جمعہ کے اجتماع سے خطاب
شگر مردہ سکیموں کا قبرستان بن چکا ہے، رمضان کے بعد احتجاج کا عندیہ، نائب امام جمعہ جامع مسجد امامیہ شگر، شیخ نثار مہدی حیدری نے نماز جمعہ کے اجتماع سے خطاب کرتے ہوئے کہا ہے کہ ضلع شگر اس وقت مردہ اور نامکمل ترقیاتی سکیموں کا قبرستان بن چکا ہے۔ انہوں نے کہا کہ چھومک لمسہ روڈ اور ڈی ایچ کیو ہسپتال شگر سرفہرست ہیں جو عرصہ دراز سے التواء کا شکار ہیں اور عوام شدید مشکلات سے دوچار ہیں۔ انہوں نے ضلعی انتظامیہ اور نگران حکومت سے مطالبہ کیا کہ ان اہم عوامی منصوبوں کا فوری نوٹس لے کر نامکمل سکیموں کو جلد از جلد مکمل کیا جائے، بصورت دیگر رمضان المبارک کے بعد عوام احتجاج پر مجبور ہوں گے۔ شیخ نثار مہدی حیدری نے کہا کہ شگر لمسہ چھومک روڈ میں تاخیر اور ناقص صورتحال کے باعث گزشتہ ماہ ایک بڑا حادثہ بھی پیش آیا، جو متعلقہ اداروں کی غفلت کا نتیجہ ہے۔ انہوں نے کہا کہ عوام کی جان و مال کا تحفظ حکومت کی ذمہ داری ہے، لہٰذا سڑک کی فوری تعمیر و مرمت یقینی بنائی جائے۔ انہوں نے محکمہ برقیات شگر سے بھی مطالبہ کیا کہ رمضان المبارک کے دوران بجلی کی صورتحال بہتر بنائی جائے اور خصوصاً سحری و افطاری کے اوقات میں بلا تعطل بجلی کی فراہمی یقینی بنائی جائے تاکہ عوام کو مزید مشکلات کا سامنا نہ کرنا پڑے۔

Thank you for reading this post, don't forget to subscribe!

urdu news update Protest Warning After Ramadan

اسکردو پولیس کا راولپنڈی میں بڑی کاروائی، بدنام زمانہ منشیات فروش شجاعت عرف جنگی کو راولپنڈی سے گرفتار کر لیا

بی آئی ایس پی کے تحت مستحق خواتین کیلئے خوشخبری، سہ ماہی قسط میں ایک ہزار روپے اضافہ

شگر گلاب پور اور وزیرپور میں بجلی بحران: قائم مقام ڈپٹی کمشنر کا دورہ، رمضان میں خصوصی بجلی فراہمی کی ہدایت، قائم مقام ڈپٹی کمشنر / اسسٹنٹ کمشنر شگر فیصل حیات گوندل نے گلاب پور اور وزیرپور کا دورہ