کھرمنگ، ضلعی انتظامیہ کھرمنگ کی جانب سے صحافی برادری کے لیے ایک اہم اور خوش آئند اقدام، ے پریس کلب کھرمنگ کے آفس کے قیام کا باقاعدہ نوٹیفکیشن جاری کر دیا ہے۔
رپورٹ، 5 سی این نیوز
کھرمنگ، ضلعی انتظامیہ کھرمنگ کی جانب سے صحافی برادری کے لیے ایک اہم اور خوش آئند اقدام، ے پریس کلب کھرمنگ کے آفس کے قیام کا باقاعدہ نوٹیفکیشن جاری کر دیا ہے۔
کھرمنگ، ضلعی انتظامیہ کھرمنگ کی جانب سے صحافی برادری کے لیے ایک اہم اور خوش آئند اقدام اٹھایا گیا ہے۔ ڈپٹی کمشنر کھرمنگ معراج عالم کی خصوصی ہدایات پر اسسٹنٹ کمشنر کھرمنگ و ایڈمنسٹریٹر میونسپل کمیٹی کھرمنگ کفایت حسین نے صحافیوں کے لیے پریس کلب کھرمنگ کے آفس کے قیام کا باقاعدہ نوٹیفکیشن جاری کر دیا ہے۔
اس موقع پر پریس کلب کھرمنگ اور یونین آف جرنلسٹس کھرمنگ نے ضلعی انتظامیہ بالخصوص ڈپٹی کمشنر کھرمنگ معراج عالم اور اسسٹنٹ کمشنر کھرمنگ کفایت حسین کا تہہ دل سے شکریہ ادا کیا اور اس اقدام کو صحافتی حلقوں کے لیے ایک تاریخی پیش رفت قرار دیا۔
اسسٹنٹ کمشنر کھرمنگ کفایت حسین سے صحافی اقبال تابانی اور ولایت علی عاطف نے پریس کلب آفس کا نوٹیفکیشن باقاعدہ طور پر وصول کیا۔
پریس کلب کھرمنگ کے آفس کے قیام کے بعد ضلع کھرمنگ کے صحافیوں کو ایک منظم اور مؤثر پلیٹ فارم میسر آئے گا، جس کے ذریعے نہ صرف صحافتی سرگرمیوں کو فروغ ملے گا بلکہ عوامی مسائل کی نشاندہی اور ان کے بروقت حل کے لیے بھی بھرپور کردار ادا کیا جا سکے گا۔
اس موقع پر انفارمیشن ڈیپارٹمنٹ کا بھی خصوصی طور پر شکریہ ادا کیا گیا، بالخصوص اسسٹنٹ ڈائریکٹر انفارمیشن بلتستان ریجن محترمہ کلثوم زہرا کا، جنہوں نے کھرمنگ کے ورکنگ صحافیوں کی گزارشات پر فوری اور سنجیدہ اقدامات کرتے ہوئے ضلعی انتظامیہ کھرمنگ کو باضابطہ لیٹر جاری کیا۔ انہی کوششوں کے نتیجے میں اسسٹنٹ کمشنر کھرمنگ کی جانب سے پریس کلب آفس کے قیام کا نوٹیفکیشن جاری ہونا ممکن ہوا۔
پریس کلب کھرمنگ اور یونین آف جرنلسٹس کھرمنگ نے امید ظاہر کی ہے کہ ضلعی انتظامیہ اور انفارمیشن ڈیپارٹمنٹ کا یہ تعاون مستقبل میں بھی اسی جذبے کے ساتھ جاری رہے گا، جس سے صحافت کو مضبوط اور عوامی آواز کو مزید مؤثر بنایا جا سکے گا۔
راؤ عبدالکریم آئی جی پنجاب تعینات، عثمان انور کو ڈی جی ایف آئی اے بنانے کا فیصلہ
سونے کی قیمت میں مسلسل تیسرے روز بڑی کمی ریکارڈ، فی تولہ کتنے کا ہوگیا؟
