اسکردو کرفیو/ دفعہ 144 کا نفاذ اور نرمی کے اوقات کار برائے ضلع سکردو مورخہ 4 مارچ 2026
رپورٹ، 5 سی این نیوز
اسکردو کرفیو/ دفعہ 144 کا نفاذ اور نرمی کے اوقات کار برائے ضلع سکردو مورخہ 4 مارچ 2026
اپیکس کمیٹی کے اجلاس اور آج انجمن امامیہ سکردو اور ڈویژنل و ضلعی انتظامیہ کے ساتھ ہونے والے مذاکرات کے نتیجے میں الحمداللہ سکردو میں امن و امان کی صورتحال اب بہتری کی جانب گامزن ہے۔ اور آنے والے دنوں میں بھی سکردو شہر میں امن و امان کی صورتحال کو مزید بہتر بنانے کے لئے ضلعی انتظامیہ نے کل مورخہ 4 مارچ کے ذیل ضروری انتظامات کئے ہیں۔
امامیہ جامع مسجد سکردو میں مجلس و قرآن خوانی میں شرکت کرنے والوں کے لئے رکاوٹ والی جگہوں سے آسان رسائی دی جائے گی۔ تاہم حساس مقامات پر سکیورٹی کے باعث کرفیو کا اطلاق رہے گا۔
صبح 11 بجے امامیہ جامع مسجد سکردو میں قرآن خوانی اور ظہرین کی نماز کے بعد جامع مسجد میں ہونے والی مجلس عزا میں لوگ شرکت کریں گے۔ مجلس اور قرآن خوانی کے اوقات میں تمام مارکیٹس بند رہیں گے۔ مجلس کے بعد کرفیو میں نرمی کے اوقات کار یعنی دوپہر 3 بجے سے رات 8 بجے تک تمام مارکیٹس کھلی رہے گی۔
تعلیمی ادارے، سکردو انٹرنیشنل ائیرپورٹ اور بین اضلاعی ٹرانسپورٹ بند رہے گی۔
سکردو میں سکیورٹی انتظامات کو یقینی بنانے کے لئے ضلع بھر میں ضابطہ فوجداری کی دفعہ 144 کا نفاذ کیا گیا جس کے تحت غیر قانونی اجتماعات پر پابندی ہو گی۔
لوگوں سے اپیل کی جاتی ہے کہ شہر میں امن و امان کو یقینی بنانے کے لئے ضلعی انتظامیہ اور قانون نافذ کرنے والے اداروں سے مکمل تعاون کریں۔ اگر کسی بھی شخص کو کوئی مسئلہ پیش آنے کی صورت میں ضلعی انتظامیہ سکردو کے کنٹرول روم نمبر 920200-05815 پر رابطہ کریں۔
ریڈ زون عسکری بینک تا ایڈمنسٹریشن کمپلیکس سکردو ہر قسم کی نقل و حرکت کے لئے مکمل بند رہیں گے۔

Thank you for reading this post, don't forget to subscribe!

جاری کردہ : ڈسٹرکٹ مجسٹریٹ سکردو

urdu news update Imposition of Curfew

>شگر ڈپٹی کمشنر شگر عارف حسین، ایس ایس پی شگر وزیر نیک عالم اور اسسٹنٹ کمشنر شگر فیصل حیات گوندل نے مدرسہ معصومین شگر کا دورہ کیا،

ضلع شگر میں رہبرِ معظم کی شہادت کے خلاف تیسرے روز بھی احتجاج کا سلسلہ جاری رہا۔

خلیجی سکیورٹی ماڈل، ایران۔اسرائیل امریکہ کشمکش اور جوہری بیانیے کی نئی بحث . جی ایم ایڈوکیٹ