شگر وزیراعظم مفت سولر سکیم برائے گلگت بلتستان کے تحت ضلع شگر میں ڈیجیٹل قرعہ اندازی مکمل، 779 درخواست گزار کامیاب قرار پائے
رپورٹ، 5 سی این نیوز
شگر وزیراعظم مفت سولر سکیم برائے گلگت بلتستان کے تحت ضلع شگر میں ڈیجیٹل قرعہ اندازی مکمل۔ قرعہ اندازی ڈپٹی کمشنر آفس شگر میں پی ایم آر یو (Performance Management & Reforms Unit) کی ٹیم کی نگرانی میں شفاف انداز میں مکمل کی گئی۔ قرعہ اندازی میں کل 2864 درخواست گزار نے حصہ لیا، جن میں سے 779 درخواست گزار کامیاب قرار پائے۔ کامیاب امیدواروں میں 694 گھریلو اور 85 کاروباری درخواست گزار شامل ہیں۔ اس موقع پر ڈپٹی کمشنر شگر عارف حسین، اسسٹنٹ کمشنر شگر فیصل حیات گوندل اور ایس ڈی او واٹر اینڈ پاور شگر روشن علی بھی موجود تھے۔میڈیا سے گفتگو کرتے ہوئے وزیراعظم ریفارمز یونٹ کے ڈائریکٹر طلحہ اسد اور ڈپٹی کمشنر شگر عارف حسین نے کہا کہ یہ سولر پلیٹس وزیر اعظم پاکستان کی جانب سے گلگت بلتستان کے عوام کے لیے تحفہ ہیں اور یہ امپورٹڈ سولر پلیٹس ہیں۔ ان کا کہنا تھا کہ اس سے نہ صرف توانائی کے شعبے میں عوام کی خودکفالت ہوگی بلکہ بجلی کی بچت ہوگی اور لوگوں کو لوڈ شیڈنگ سے نجات ملے گی۔ انہوں نے مزید کہا کہ سولر پلیٹس کی معائنہ اور نگرانی جاری رہے گی اور تنصیب کے بعد بھی وقتاً فوقتاً چیک کیا جائے گا۔ کوئی بھی شخص اگر انہیں فروخت کرنا چاہے تو ہر پلیٹ پر کوڈ لگا ہوا ہے جس کی وجہ سے اسے فروخت نہیں کیا جا سکے گا، تاکہ عوام کے مفاد میں یہ منصوبہ محفوظ رہے۔ ضلعی انتظامیہ شگر نے کامیاب قرار پانے والے درخواست گزاروں کو مبارکباد پیش کی اور حکومت کے عملی اقدامات کو سراہا۔

Thank you for reading this post, don't forget to subscribe!

urdu news update Free Solar Scheme

شگر اپو علی گون میں بجلی کی خطرناک تار کے زد میں آکر ایک شخص جاں بحق٫ شگر کے نواحی علاقے آپو علی گون میں بجلی کے کمزور اور خستہ حال تار کے سبب ایک شخص حادثے کا شکار ہو گیا

گلگت بلتستان کے عوام ہر ماہ کتنے پیسے پیکچز میں ضائع کرتے ہیں ؟؟ طہٰ علی تابشٓ بلتستانی

>آبنائے ہرمز بندش: روس کو تیل سے یومیہ 150 ملین ڈالر اضافی آمدن ہونے لگی