فوڈ ڈیپارٹمنٹ روندو کے انسپکٹرز نے تلو بازار میں بڑا کریک ڈاؤن کرتے ہوئے غیر معیاری اور زائد المعیاد اشیاء فروخت کرنے والے دکانداروں کے خلاف کارروائی
رپورٹ، انور انجم روندو
فوڈ ڈیپارٹمنٹ روندو کے انسپکٹرز نے تلو بازار میں بڑا کریک ڈاؤن کرتے ہوئے غیر معیاری اور زائد المعیاد اشیاء فروخت کرنے والے دکانداروں کے خلاف کارروائی کی۔ معائنے کے دوران مختلف دکانوں سے تاریخِ تنسیخ گزر جانے والی اشیاء اور ناقص خوراکی سامان برآمد ہوا، جس پر متعلقہ دکانداروں کو چوبیس گھنٹے کا الٹی میٹم دے دیا گیا کہ وہ فوری طور پر ایسی اشیاء ہٹا کر معیار کو یقینی بنائیں۔
فوڈ حکام کا کہنا ہے کہ عوام کو معیاری اور محفوظ اشیائے خوردونوش کی فراہمی ان کی اولین ترجیح ہے، اور کسی کو بھی انسانی صحت سے کھیلنے کی اجازت نہیں دی جائے گی۔ انہوں نے خبردار کیا کہ مقررہ وقت کے بعد بھی خلاف ورزی پائی گئی تو سخت قانونی کارروائی عمل میں لائی جائے گی۔
اس اقدام کو عوامی سطح پر بھرپور سراہا گیا۔ شہریوں نے فوڈ ڈیپارٹمنٹ کی اس کارروائی کو خوش آئند قرار دیتے ہوئے مطالبہ کیا کہ اس طرح کے کریک ڈاؤن کا سلسلہ مستقل بنیادوں پر جاری رکھا جائے۔ عوام نے انتظامیہ کے ساتھ مکمل تعاون کا یقین بھی دلایا تاکہ بازاروں میں معیاری اشیاء کی دستیابی یقینی بنائی جا سکے

Thank you for reading this post, don't forget to subscribe!

urdu news update Food Department Rondu

نمازی بچہ نمازی حالت میں شہید. سید مظاہر حسین کاظمی

بین الصوبائی اقامتی منصوبہ 2026 از اکادمی ادبیات پاکستان. شہزین فراز

اسکردو پولیس کی بڑی کاروائی، 10 کلو چرس برآمد، مزید کاروائی کے لیے چھاپے جاری ہیں