سکردو سیکریٹری اطلاعات گلگت بلتستان ثناء اللہ کے ہدایات کی روشنی میں محکمہ اطلاعات گلگت بلتستان کی ٹیم کے ساتھ بلتستان ڈویژن کے پریس کلبز کے صدور, وزیر مظفر حسین سکردو ،عابد علی شگری شگر، سرور سکندر کھرمنگ پریس کلب،محمد علی عالم گانچھے، اقبال تابانی جی ایس کے یو جے کھرمنگ ،علی آصف بلتی صحافیوں کی نمائندہ تنظیم یونین آف جرنلسٹ بلتستان
سکردو: سیکریٹری اطلاعات گلگت بلتستان ثناء اللہ کے ہدایات کی روشنی میں محکمہ اطلاعات گلگت بلتستان کی ٹیم نے ڈپٹی ڈائریکٹر اطلاعات فاروق احمد کی سربراہی میں کمشنر کانفرنس ہال سکردو میں بلتستان ڈویژن کے پریس کلبز کے صدور, وزیر مظفر حسین سکردو ،عابد علی شگری شگر، سرور سکندر کھرمنگ پریس کلب،محمد علی عالم گانچھے، اقبال تابانی جی ایس کے یو جے کھرمنگ ،علی آصف بلتی صحافیوں کی نمائندہ تنظیم یونین آف جرنلسٹ بلتستان کے صدر صادق صدیقی اور بلتستان ڈیجیٹل میڈیا ایسوسی ایشن کے صدر ذیشان مہدی سمیت سینئر صحافیوں کے ساتھ ایک تفصیلی بریفنگ کا انعقاد کیا۔
اجلاس میں وفاقی حکومت اور گلگت بلتستان حکومت کی جانب سے مقرر کردہ کم سے کم اجرت کے مؤثر نفاذ اور حال ہی میں صوبائی کابینہ منظور شدہ “ڈیجیٹل میڈیا پالیسی 2025” کے خدوخال و نمایاں خصوصیات پر تفصیلی تبادلہ خیال ہوا۔ سیکریٹری اطلاعات ثناء اللہ نے گلگت سے زوم لنک کے ذریعے اجلاس میں خصوصی شرکت کی۔
شرکاء سے خطاب میں سیکریٹری اطلاعات نے کہا کہ صحافیوں کی اجرت کو قانون کے مطابق ڈھالا جائے گا اور اس سلسلے میں تمام متعلقہ فریقین کے ساتھ مل کر مشترکہ کوششیں کی جائیں گی۔ انہوں نے ڈیجیٹل میڈیا پالیسی 2025 پر صحافتی برادری کی جانب سے پیش کی گئی تعمیری تجاویز کا خیرمقدم کیا اور زور دیا کہ پالیسی کے نفاذ میں شفافیت اور باہمی مشاورت کو یقینی بنایا جائے گا۔
اس موقع پر انفارمیشن آفیسر آصف رضا اور اسسٹنٹ ڈائریکٹر اطلاعات بلتستان کلثوم زہرا نے شرکاء کو ڈیجیٹل میڈیا پالیسی 2025 پر تفصیلی بریفنگ دی اور پالیسی کے اہم نکات کو تفصیل سے بیان کیا۔
اجلاس کے اختتام پر صحافتی تنظیموں اور پریس کلبز کے صدور نے سیکریٹری اطلاعات کا شکریہ ادا کیا اور امید ظاہر کی کہ صحافیوں کی بہبود اور پیشہ ورانہ مسائل کے حل کے لیے محکمہ اطلاعات اور صحافتی برادری کے درمیان باہمی تعاون کا یہ سلسلہ مستقبل میں بھی جاری رہے گا۔
راؤ عبدالکریم آئی جی پنجاب تعینات، عثمان انور کو ڈی جی ایف آئی اے بنانے کا فیصلہ
