شگر انجمن امامیہ سکردو اور انجمن امامیہ شگر نے برطرف پولیس اہلکاروں کی فوری بحالی کا مطالبہ کر دیا۔
رپورٹ، 5 سی این نیوز
شگر انجمن امامیہ سکردو اور انجمن امامیہ شگر نے برطرف پولیس اہلکاروں کی فوری بحالی کا مطالبہ کر دیا۔
شگر انجمن امامیہ سکردو اور انجمن امامیہ شگر نے برطرف پولیس اہلکاروں کی فوری بحالی کا مطالبہ کر دیا۔ یہ مطالبہ جامع مسجد اثنا عشری شگر میں منعقدہ عظمتِ شہداء کانفرنس کے دوران کیا گیا۔ کانفرنس سے خطاب کرتے ہوئے آغا باقر الحسینی، شیخ زاہد حسین زاہدی، آغا عباس الموسوی اور سید محمد سعید الموسوی نے مشترکہ طور پر مؤقف اختیار کیا کہ پولیس اہلکاروں کے پاس ہجوم کو منتشر کرنے کے لیے مناسب وسائل حتیٰ کہ گولیاں تک موجود نہیں تھیں، ایسے میں ان سے حالات کو قابو میں رکھنے کی توقع رکھنا ناانصافی ہے۔ مقررین نے کہا کہ آئی جی پولیس کی نااہلی کا بوجھ نچلے درجے کے اہلکاروں پر ڈالنا کھلی زیادتی ہے، جس کی شدید مذمت کی جاتی ہے۔ انہوں نے سوال اٹھایا کہ جب ایران میں ایک بڑا سانحہ پیش آیا تو اس کے ممکنہ ردعمل کے پیش نظر پیشگی سکیورٹی پلان کیوں ترتیب نہیں دیا گیا، اور ایس پی سکردو کو راتوں رات کیوں تبدیل کیا گیا۔ آغا باقر الحسینی نے مزید کہا کہ بلتستان میں پہلے ہی پولیس اہلکاروں کی کمی ہے، اس کے باوجود مقامی اہلکاروں کو گلگت میں تعینات رکھنا سمجھ سے بالاتر ہے، حالانکہ متعدد بار اس مسئلے کی نشاندہی کی جا چکی ہے۔ مقررین نے مطالبہ کیا کہ برطرف پولیس اہلکاروں کو فوری طور پر بحال کیا جائے اور جن اداروں پر عوام کو اعتماد نہیں، انہیں واپس بلایا جائے تاکہ خطے کے امن و امان کو مزید نقصان سے بچایا جا سکے۔

Thank you for reading this post, don't forget to subscribe!

urdu news update Anjuman-e-Imamia Skardu

شگر انجمن امامیہ سکردو اور انجمن امامیہ شگر نے برطرف پولیس اہلکاروں کی فوری بحالی کا مطالبہ کر دیا۔

ہمت، عزم اور کردار: مضبوط نوجوان کی تعمیر. منظور نظرؔ (افکارِ بلتستان)

محنت کی عظمت. آمینہ یونس ،بلتستانی