پی ٹی آئی کی 26 نومبر احتجاج میںگرفتار 88 کارکنان کا چار روزہ جسمانی ریمانڈ منظور ، پولیس کے حوالہ کر دیا
رپورٹ، 5 سی این نیوز
پی ٹی آئی کی 26 نومبر احتجاج میںگرفتار 88 کارکنان کا چار روزہ جسمانی ریمانڈ منظور، پی ٹی آئی کے 88 کارکنان کو شناخت پریڈ کے بعد انسدادِ دہشت گردی عدالت اسلام آباد میں پیش کیا جس پر انسداد دہشت گردی عدالت کے جج طاہر سپرا کے سامنے ملزمان کو پیش کیا گیا جہاں پراسیکوشن نے تمام ملزمان کی شناخت کرانے کے بعد جسمانی ریمانڈ کی درخواست کی۔ حکومتی وکیل نے موقف اختیار کیا کہ ملزمان سے اسلحہ اور دیگر اشیاء برآمد کرنی ہیں۔ عدالت نے پراسیکوشن کی درخواست پر پی ٹی آئی کے تمام کارکنان کو 4 روزہ جسمانی ریمانڈ پر پولیس کے حوالے کر دیا۔ پی ٹی آئی کارکنان کی طرف سے وکلاء انصر کیانی، سردار محمد مصروف، زاہد ڈار اور مرتضی طوری ایڈووکیٹ عدالت میں پیش ہوئے۔ پی ٹی آئی کے کارکنوں کے خلاف تھانہ کوہسار اور ترنول میں مقدمات درج ہیں۔
urdu news, PTI long march
