نگراں کابینہ میں شگر کو نظر انداز کرنا ناقابلِ برداشت عمل ہے شگر کی ملک کے لیے دی گئی قربانیاں کسی سے ڈھکی چھپی نہیں، یہ سرزمین شہداء کے خون سے رنگین ہے، امام جمعہ جامع مسجد امامیہ شگر سید طہٰ الموسوی
رپورٹ، 5 سی این نیوز
شگر امام جمعہ جامع مسجد امامیہ شگر سید طہٰ الموسوی نے کہا ہے کہ نگراں کابینہ میں شگر کو نظر انداز کرنا ناقابلِ برداشت عمل ہے۔ انہوں نے کہا کہ شگر کی ملک کے لیے دی گئی قربانیاں کسی سے ڈھکی چھپی نہیں، یہ سرزمین شہداء کے خون سے رنگین ہے، اس کے باوجود شگر کے ساتھ ہمیشہ سوتیلی ماں جیسا سلوک روا رکھا گیا ہے۔ سید طہٰ الموسوی کا کہنا تھا کہ جب استور سے چار افراد کو نمائندگی دی جا سکتی ہے تو شگر سے ایک فرد کو بھی شامل نہ کرنا کہاں کا انصاف ہے۔ انہوں نے کہا کہ دنیا کی نظریں شگر پر ہیں، مگر حقوق کی تقسیم کے وقت شگر کو مکمل طور پر نظر انداز کرنا ناانصافی کی انتہا ہے۔انہوں نے مزید کہا کہ وادی شگر قدرتی وسائل اور جغرافیائی لحاظ سے نہایت اہم خطہ ہے اور شگر کو مسلسل نظر انداز کرنا مستقبل میں خطرناک نتائج کا باعث بن سکتا ہے۔ اس موقع پر مقامی عوامی حلقوں نے کہا کہ شگر کو نگراں کابینہ سے باہر رکھنے میں نگراں وزیرِ اعلیٰ کے ساتھ گورنر گلگت بلتستان بھی برابر کے شریک ہیں، کیونکہ نگراں کابینہ کی تشکیل دونوں کی باہمی مشاورت سے عمل میں آئی ہے۔ انہوں نے مطالبہ کیا کہ شگر کو مزید نظر انداز کرنے کا سلسلہ فوری طور پر ترک کیا جائے، بصورتِ دیگر شگر کے عوام خاموش نہیں رہیں گے اور اپنے حقوق کے لیے بھرپور احتجاج پر مجبور ہوں گے۔ امام جمعہ شگر نے مطالبہ کیا کہ نگراں کابینہ میں فوری طور پر شگر کو نمائندگی دی جائے تاکہ عوام میں پائی جانے والی بے چینی کا خاتمہ ہو سکے۔

Thank you for reading this post, don't forget to subscribe!

urdu news, gilgit baltistan news,

>شگر، انبیا و مرسلین اور آئمہ علیہم السلام ہمارے لیے نمونہ عمل اور راہ نجات ہیں، اور ان کے فرمودات پر عمل کیے بغیر دنیا اور آخرت دونوں میں کامیابی ممکن نہیں، معروف عالم دین شیخ مبارک علی عارفی

شگر، ڈویژنل فاریسٹ آفیسر شہزادہ عالم ایک مخلص اور ادارے کے ساتھ نیک آفیسر ہیں، جنہیں ان کی ایمانداری کی وجہ سے بے جا مشکلات کا سامنا ہے۔ پیپلز پارٹی شگر رہنما، اور یونین کونسل الچوڑی

گلگت محکمہ ایکسائز اینڈ کاؤنٹر نارکوٹکس ڈیپارٹمنٹ گلگت بلتستان کے مختلف چیک پوسٹس پر تعینات ملازمین گزشتہ سات ماہ سے تنخواہوں سے محروم