لاہور میں فضائی آلودگی کے خلاف گرین لاک ڈاؤن، شملہ پہاڑی سمیت مختلف علاقوں میں پابندیاں نافذ

لاہور میں فضائی آلودگی کے خلاف گرین لاک ڈاؤن، شملہ پہاڑی سمیت مختلف علاقوں میں پابندیاں نافذ
رپورٹ، 5 سی این نیوز
لاہور میں فضائی آلودگی کے خلاف گرین لاک ڈاؤن، شملہ پہاڑی سمیت مختلف علاقوں میں پابندیاں نافذ. لاہور کے علاقے شملہ پہاڑی اور اس کے گردونواح میں فضائی آلودگی سے نمٹنے کے لیے گرین لاک ڈاؤن کے تحت سخت اقدامات کیے جا رہے ہیں۔ یہ پابندیاں 4 نومبر تک نافذ رہیں گی، جن کے تحت ماحولیاتی آلودگی میں اضافہ کرنے والی سرگرمیوں پر مکمل روک لگا دی گئی ہے۔
گرین لاک ڈاؤن کے تحت چنگ چی رکشوں اور دھواں چھوڑنے والی کمرشل گاڑیوں کا داخلہ شملہ پہاڑی، ایبٹ روڈ، ایجرٹن روڈ، ایمپریس روڈ، ڈیورنڈ روڈ اور ڈیوس روڈ پر بند کر دیا گیا ہے۔ اس کے ساتھ نادرا آفس اور شاہین کمپلیکس کے باہر پارکنگ کو دیگر جگہوں پر منتقل کر دیا گیا ہے۔
علاقے میں ٹریفک وارڈنز بیریئرز لگا کر خصوصی ڈیوٹی پر موجود ہیں جبکہ کھلی جگہوں پر پانی کا چھڑکاؤ جاری ہے تاکہ گرد و غبار اور آلودگی کو کم کیا جا سکے۔ محکمہ ماحولیات کی طرف سے جاری کردہ نوٹیفکیشن کے مطابق ان علاقوں میں تعمیراتی سرگرمیوں، کمرشل جنریٹرز اور اوپن باربی کیو پر بھی سخت پابندی عائد کی گئی ہے۔
فضائی آلودگی انڈیکس کے مطابق شملہ پہاڑی کے علاقے میں آلودگی کی سطح 300 تک پہنچ چکی ہے، جس پر قابو پانے کے لیے یہ اقدامات کیے جا رہے ہیں۔
urdu-news-477

شگر محکمہ برقیات شگر کے مبینہ غفلت اور عدم دلچسپی الچوڑی سکم تھنگ کو بجلی سپلائی کرنے والی واحد ٹرانسفرمر گزشتہ کئی ماہ سے غائب۔ایک خراب ٹرانسفر کر کو نصب کرکے عوام کو بیوقوف بنایا جا رہا ہے

لوکل سپورٹ آرگنائزیشن چنداہ کی جانب سے آغا خان رولر سپورٹ پروگرام کے تعاون اور لوکل انتظامیہ کی مدد سے آج گمبہ سکردو میں نسا۶ ومن مارکیٹ کا باضابطہ افتتاح

شگر ایس ایس پی شگر شیرآحمد کے زیر صدارت کرایم میٹنگ ایس ایس پی آفس میں منعقد ہو ئی۔ جس میں ایس ڈی پی آو شگر، ایس ایچ آوز، آفس سپرنٹنڈنٹ، تفتیشی آفیسران، لائن آفیسر و دیگر ذمہ داراں شریک ہوئے