ایچ ای سی نے گلگت بلتستان کے انڈرگریجویٹ طلباء کے لیے ایک خصوصی اسکالرشپ پروگرام کا آغاز
ایچ ای سی نے گلگت بلتستان کے انڈرگریجویٹ طلباء کے لیے ایک خصوصی اسکالرشپ پروگرام کا آغاز
رپورٹ، عابد شگری 5 سی این نیوز
ہائر ایجوکیشن کمیشن ملک کے پسماندہ علاقوں میں اعلیٰ تعلیم کے فروغ کے لیے مسلسل اقدامات کر رہا ہے۔ ایچ ای سی نے گلگت بلتستان کے انڈرگریجویٹ طلباء کے لیے ایک خصوصی اسکالرشپ پروگرام کا آغاز کیا ہے تاکہ انہیں اعلیٰ تعلیم کے حصول میں مدد فراہم کی جا سکے۔
ایچ ای سی کے ایڈوائزر برائے اسکالرشپس، محمد رضا چوہان نے یونیورسٹی آف بلتستان، سکردو کے انچن کیمپس میں طلباء اور اساتذہ سے خطاب کرتے ہوئے کہا کہ “ایچ ای سی گلگت بلتستان کے طلباء کو بہترین تعلیمی مواقع فراہم کرنے کے لیے پرعزم ہے۔
ایچ ای سی کی ٹیم اس وقت گلگت بلتستان کے مختلف علاقوں کا دورہ کر رہی ہے تاکہ اسکالرشپ پروگرام کے بارے میں آگاہی پیدا کی جا سکے اور طلباء کو درخواست دینے کے طریقہ کار پر رہنمائی فراہم کی جا سکے۔ اس پروگرام کے لیے درخواست دینے کی آخری تاریخ 30 ستمبر 2024 مقرر کی گئی ہے۔محمد رضا چوہان نے طلباء کو بتایا کہ اس اسکالرشپ کے تحت وہ ملک کی کسی بھی سرکاری یونیورسٹی میں تعلیم حاصل کر سکتے ہیں اور مزید کہا کہ “ایچ ای سی کی ویب سائٹ وزٹ کریں، وہاں آپ کو بہت سے دیگر مواقع بھی ملیں گے۔انہوں نے طلباء کو قومی اور بین الاقوامی اسکالرشپ پروگراموں سے بھی استفادہ کرنے کی ترغیب دی اور کہا، “آپ اس ملک کا مستقبل ہیں، ہماری خواہش ہے کہ آپ اپنے شعبے میں کامیاب ہوں اور ترقی کریں۔
اس موقع پر ایچ ای سی اسکالرشپ برائے گلگت بلتستان کے پروجیکٹ ڈائریکٹر، جاوید حسن اعوان نے طلباء کو اسکالرشپ کے اہم مقاصد اور درخواست دینے کے طریقہ کار پر تفصیلی بریفنگ دی اور طلباء کے سوالات کے جوابات فراہم کیے۔
دورے کے دوران، ایچ ای سی کی ٹیم نے یونیورسٹی آف بلتستان کے وائس چانسلر، ڈاکٹر نعیم طارق ناریجو سے بھی ملاقات کی، جس میں وائس چانسلر نے یونیورسٹی کی ترقی پر روشنی ڈالی اور ایچ ای سی کے تعاون کو سراہا۔ محمد رضا چوہان نے یونیورسٹی کی بہتری کے لیے ایچ ای سی کے مزید تعاون کی یقین دہانی کرائی اور مختلف تعلیمی پروگراموں کو اجاگر کیا۔ urdu news
سرکاری ملازمین 50 سال کے بعد رٹائڑد ، نوٹفیکشن جاری کر دیا
گلاب پور نالہ سے گر کر نوجوان جان بحق ہوگیا ۔
