ضلع شگر میں رہبرِ معظم کی شہادت کے خلاف تیسرے روز بھی احتجاج کا سلسلہ جاری رہا۔
رپورٹ ، عابد شگری 5 سی این نیوز
ضلع شگر میں رہبرِ معظم کی شہادت کے خلاف تیسرے روز بھی احتجاج کا سلسلہ جاری رہا۔ مختلف علاقوں سے عوام کی بڑی تعداد پُرامن ریلیوں کی صورت میں نکلی اور اپنے جذبات کا اظہار کیا۔ ریلیوں کے دوران امریکہ اور اسرائیل کے خلاف نعرے بازی کی گئی جبکہ شہادت کی شدید مذمت کی گئی۔
احتجاجی اجتماعات میں ممتاز علمائے کرام اور عمائدینِ علاقہ نے شرکت کی، جن میں سید سعید موسوی، سید طہ الموسوی، شیخ کاظم زاکری ، شیخ اشرف حسین شگری، شیخ زکاوت علی، شیخ شیر محمد اور شیخ نوازش علی شامل تھے۔ مقررین نے اپنے خطاب میں اتحاد، صبر اور نظم و ضبط برقرار رکھنے پر زور دیتے ہوئے کہا کہ شگر ایک پُرامن علاقہ ہے اور عوام نے ہمیشہ ذمہ داری کا مظاہرہ کیا ہے۔مقررین نے انتظامیہ کو مخاطب کرتے ہوئے کہا کہ شگر میں فوج طلب کرنے سے گریز کیا جائے کیونکہ اس سے حالات کشیدہ ہو سکتے ہیں۔ انہوں نے زور دیا کہ معاملات کو مقامی سطح پر مشاورت اور باہمی افہام و تفہیم سے حل کیا جائے۔اجتماع سے خطاب کرتے ہوئے علمائے کرام نے سکردو میں انجمنِ امامیہ کی جانب سے پیش کیے گئے چارٹرڈ آف ڈیمانڈ کی بھرپور حمایت کا اعلان کیا اور مطالبہ کیا کہ اس میں شامل نکات کو فوری طور پر تسلیم کرتے ہوئے عملی اقدامات کیے جائیں۔ ان کا کہنا تھا کہ یہ مطالبات عوامی جذبات کی عکاسی کرتے ہیں اور انہیں سنجیدگی سے لیا جانا چاہیے۔
مقررین نے سکردو میں نافذ کرفیو کے خاتمے کا بھی مطالبہ کیا اور کہا کہ نوجوانوں کو ہراساں کرنے سے گریز کیا جائے۔ ان کے مطابق حالات کو بہتر بنانے کے لیے اعتماد سازی اور مذاکرات کی فضا قائم کرنا ضروری ہے۔
udu news update Protests Continue Third Day
ہو خوابِ ہجر یا ہووے کسی وصال کا خواباساسِ عشق سے اٹھتا ہے ہر کمال کا خواب
