ورلڈ جونیئر ٹینس چیمپئن شپ: ابوبکر طلحہ دوسرے راؤنڈ میں پہنچ گئے

ورلڈ جونیئر ٹینس چیمپئن شپ: ابوبکر طلحہ دوسرے راؤنڈ میں پہنچ گئے
رپورٹ، 5 سی این نیوز
ورلڈ جونیئر ٹینس چیمپئن شپ: ابوبکر طلحہ دوسرے راؤنڈ میں پہنچ گئے، پی ٹی ایف ٹینس کمپلیکس اسلام آباد میں جاری ورلڈ جونیئر ٹینس چیمپئن شپ لیگ ٹو کے بوائز سنگلز مقابلوں میں پاکستان کے ابوبکر طلحہ نے شاندار کارکردگی کا مظاہرہ کرتے ہوئے دوسرے راؤنڈ کے لیے کوالیفائی کر لیا۔
پہلے راؤنڈ میں کوریا کے سیون جی نے جاپان کے یوٹا نشیکوری کو 6-4، 6-2 سے شکست دی، جبکہ کوریا کے یونگ چائے اوہ نے پاکستان کے حمزہ رومان کو ایک سنسنی خیز مقابلے میں 4-6، 6-4، 7-6(4) سے شکست دی۔ پاکستانی کھلاڑی ابوبکر طلحہ نے بہترین کھیل کا مظاہرہ کرتے ہوئے اپنی جگہ دوسرے راؤنڈ میں پکی کر لی، جبکہ کوریا کے منوو کم نے بھی کامیابی حاصل کی۔ گرلز سنگلز میں سری لنکا کی دینارا ڈی سلوا اور کوریا کی آہین، چیئرین لی، اور سو یونا نے اپنے میچز جیت کر دوسرے راؤنڈ میں رسائی حاصل کی۔ ڈبلز کے مقابلوں میں پاکستان کی جوڑی بلال عاصم اور احمد نائل قریشی نے تھائی لینڈ کی جوڑی پاتم لکسا کلپورن اور آریاپھول لیکول کو 6-2، 6-2 کے اسکور سے باآسانی شکست دی۔ ٹورنامنٹ کے اگلے میچز آج صبح 10 بجے سے شروع ہوں گے، جس میں پاکستان سمیت جاپان، چین، تھائی لینڈ، سری لنکا، کینیڈا، کوریا، جرمنی، قازقستان، مالدیپ، سنگاپور، امریکہ، بیلاروس، اور روس کے کھلاڑی اپنی مہارت کا مظاہرہ کریں گے۔
sports news in urdu

شگرچھورکاہ نالہ میں بکریاں چرانے کے دوران حادثہ، دو افراد جان بحق، افسوسناک واقع کی تفصلات جاری
وزیر تعلیم گلگت بلتستان غلام شہزاد اغا کے عملدامد ر شروع ہوگیا ہے اور ایجوکیشن فیلو کی سیٹ بڑھنا اسی اعلان کا حصہ ہے. پیپلز پارٹی گلاب پور شگر کے صدر محمد شریف
روپانی فاؤنڈیشن کے زیر اہتمام شگر میں زچہ اور بچہ کیلئے زچگی سے قبل تیاری اور ماں اور بچے کی نشوونما کے حوالے سے سیشن کا انعقاد
میری دھرتی میری پہچان ، صداقت علی شگری