گلگت بلتستان میں سی ٹی ڈی تھانہ باضابطہ قائم، 200 اہلکاروں کے ساتھ کام کا آغاز
رپورٹ 5 سی این نیوز
گلگت بلتستان میں سی ٹی ڈی تھانہ باضابطہ قائم، 200 اہلکاروں کے ساتھ کام کا آغاز
گلگت — وفاقی وزیر داخلہ کے احکامات کی روشنی میں گلگت بلتستان میں انسدادِ دہشت گردی ڈیپارٹمنٹ (CTD) کا پولیس اسٹیشن باضابطہ طور پر قائم کرکے فعال بنا دیا گیا ہے۔ اس بات کی تصدیق پولیس ترجمان نے کی ہے۔
پولیس ترجمان کے مطابق سی ٹی ڈی نے ابتدائی طور پر دو سو افسران اور اہلکاروں کے ساتھ عملی کام کا آغاز کر دیا ہے، جبکہ مزید 600 آسامیوں پر بھرتیوں کا عمل رواں سال کے دوران مکمل کیا جائے گا تاکہ ادارے کی استعداد کار میں اضافہ کیا جا سکے۔
ترجمان نے مزید بتایا کہ سی ٹی ڈی کی پیشہ ورانہ تربیت اور صلاحیتوں کو بہتر بنانے کے لیے پنجاب اور خیبر پختونخوا سے تکنیکی اور تربیتی معاونت حاصل کی جائے گی۔
ایس ایس پی تنویر الحسن کو سی ٹی ڈی گلگت بلتستان کا سربراہ مقرر کیا گیا ہے، جو ادارے کی قیادت کریں گے۔
مزید برآں دہشت گردی سے متعلق اب تک درج ہونے والے تمام مقدمات (FIRs) تھانہ سی ٹی ڈی کو منتقل کر دیے گئے ہیں تاکہ ان کی تفتیش مؤثر اور مربوط انداز میں کی جا سکے۔
Gilgit baltistan news