شگر اسوہ پبلک سکول شگر میں سالانہ رزلٹ کے بعد تقسیم انعامات کے حوالے سے تقریب کا انعقاد کیا گیا
رپورٹ ۔ زمان شگری 5 سی این نیوز
شگر اسوہ پبلک سکول شگر میں سالانہ تقسیم انعامات کے حوالے سے تقریب کا انعقاد کیا گیا ، سرکاری عہدیداروں سمیت والدین کی کثیر تعداد نے شرکت کی ۔
اسوہ پبلک سکول شگر میں سالانہ تقسیم انعامات کے حوالے سے تقریب کا انعقاد کیا گیا ۔ تقریب میں سرکاری عہدیداروں ، والدین اور طلبہ کی کثیر تعداد نے شرکت کی ۔ تقریب سے خطاب کرتے ہوئے ڈپٹی کمشنر شگر ولی اللہ فلاحی نے کہا کہ تعلیم ذندگی اور موت کا مسئلہ ہے ۔ تعلیم میں ترقی کیے بغیر معاشرے ترقی نہیں کر سکتا ۔ ہمیں رواجی تعلیم سے نکل کر سائینس و ٹیکنالوجی کی دنیا میں قدم رکھنا ہوگا ۔ ہمارے طلبہ ذہین و فطین ہیں ان میں دلچسپی پیدا کرنے کی ضرورت ہے ۔ تقریب سے خطاب کرتے ہوئے سید محمد طہ الموسوی جمعہ و جماعت شگر نے کہا کہ والدین اپنے بچوں پر خصوصی توجہ دیں ۔ تعیلم کے حصول کے لیے کوئی کوتاہی نہ برتیں۔ تقریب کے اختتام پر نمایاں پوزیشن حاصل کرنے والے طلبا و طالبات میں انعامات تقسیم کیے گئے
Annual results uswa public schools Shigar