گمبہ سکردو میں چوری کی وارداتیں، تاجروں میں تشویش، رات کو کرفیو کے دوران چوروں نے پانچ دکانوں کا صفایا کر دیا.
رپورٹ، 5 سی این نیوز
گمبہ سکردو میں چوری کی وارداتیں، تاجروں میں تشویش، رات کو کرفیو کے دوران چوروں نے پانچ دکانوں کا صفایا کر دیا.
گمبہ سکردو کے بازار میں چوری کی بڑھتی ہوئی وارداتوں نے تاجروں اور مقامی شہریوں میں تشویش کی لہر دوڑا دی ہے۔ اطلاعات کے مطابق09 مارچ کی رات کرفیو کے دوران مالک اشتر چوک گمبہ سکردو میں نامعلوم چوروں نے پانچ دکانوں کے تالے توڑ کر چوری کی وارداتیں کیں۔
متاثرہ دکانداروں کے مطابق چور قیمتی سامان اور رقم لے کر فرار ہوگئے، جبکہ واقعے کے بعد تاجروں نے شدید تحفظات کا اظہار کیا ہے۔ تاجروں کا کہنا ہے کہ علاقے میں کرفیو اور سیکیورٹی انتظامات کے باوجود اس طرح کی وارداتیں انتظامیہ اور پولیس کی کارکردگی پر سوالیہ نشان ہیں۔
مقامی افراد کے مطابق گمبہ پولیس تاحال چوروں کو گرفتار کرنے میں ناکام ہے، جس کے باعث تاجروں میں بے چینی پائی جاتی ہے۔ انجمن تاجران اور دکان مالکان نے مطالبہ کیا ہے کہ واقعے کی فوری تحقیقات کر کے ملوث افراد کو گرفتار کیا جائے اور بازاروں کی سیکیورٹی کو مزید مؤثر بنایا جائے۔
تاجروں کا کہنا ہے کہ اگر بروقت کارروائی نہ کی گئی تو کاروباری طبقہ مزید مشکلات کا شکار ہو سکتا ہے۔ انہوں نے انتظامیہ سے مطالبہ کیا کہ کرفیو کے دوران بازاروں اور تجارتی مراکز کی حفاظت کے لیے خصوصی اقدامات کیے جائیں۔

Thank you for reading this post, don't forget to subscribe!

urdu update news Thieves Loot Five Shop

پراگریس (progress) اور گروتھ (growth): ترقی کے دو مختلف مگر مربوط زاویے. سلیم خان

عید . آمینہ یونس، بلتستانی

بغیر تصدیق کے سنی سنائی باتوں پر عمل مت کریں، سردار احمد تبسم گڈانی