شگر میڈیا کوآرڈینیٹر یوتھ موومنٹ مراپی فیصل دلشاد نے نگران وزیراعلیٰ گلگت بلتستان یار محمد ناصر سے خصوصی ملاقات کی۔
رپورٹ نمائندہ خصوصی
ملاقات میں فیصل دلشاد نے وزیراعلیٰ کو عہدہ سنبھالنے پر دلی مبارکباد پیش کی اور اُن کی خدمات و وژن کو سراہتے ہوئے پھولوں کا گلدستہ بھی پیش کیا۔اس موقع پر فیصل دلشاد نے وزیراعلیٰ کو ضلع شگر کے خصوصی دورے کی دعوت دی اور نوجوانوں کے مسائل، روزگار کے مواقع، کھیلوں کے فروغ اور تعلیم کے شعبے کی بہتری سے متعلق تفصیلی گفتگو کی۔ انہوں نے کہا کہ یوتھ موومنٹ مراپی نوجوانوں کی ترقی، شعور اجاگر کرنے اور مثبت سرگرمیوں کو فروغ دینے کے لیے مسلسل کام کر رہی ہے، اور وزیراعلیٰ کے تعاون سے یہ اقدامات مزید مؤثر ثابت ہوں گے۔نگران وزیراعلیٰ یار محمد ناصر نے فیصل دلشاد کی کاوشوں کو سراہتے ہوئے نوجوانوں کے لیے ہر ممکن تعاون کی یقین دہانی کرائی۔ انہوں نے کہا کہ نوجوان نسل ملک و خطے کا قیمتی سرمایہ ہے، جن کی رہنمائی اور حوصلہ افزائی حکومت کی اولین ترجیحات میں شامل ہے ملاقات خوشگوار ماحول میں اختتام پذیر ہوئی، جبکہ جلد وزیراعلیٰ کے شگر کے تفصیلی دورے کا امکان ظاہر کیا گیا