شگرسول سوسائٹی رہنماؤں کا فیز ٹو بجلی گھر کا دورہ، کام تکمیل کے آخری مراحل میں,
رپورٹ 5سی این نیوز۔
سول سوسائٹی شگر کے رہنماؤں نے فیز ٹو بجلی گھر کا تفصیلی دورہ کیا اور جاری کام کا جائزہ لیا۔ اس موقع پر سول سوسائٹی شگر کے رہنما اور شگر ایورنس فورم کے چیئرمین محمد ظہیر عباس نے منصوبے پر کام کرنے والے انجینئرز اور عملے سے ملاقات کی۔محمد ظہیر عباس نے بتایا کہ فیز ٹو بجلی گھر کا کام آخری مراحل میں داخل ہو چکا ہے، اور انشاء اللہ آئندہ ایک سے دو دن میں بجلی کی باقاعدہ فراہمی ممکن ہو جائے گی۔ ان کے مطابق فیز ٹو کے فعال ہونے سے شگر میں جاری بجلی کی لوڈشیڈنگ میں نمایاں کمی آئے گی۔ انہوں نے عوام سے اپیل کی کہ سردیوں کے موجودہ دو مہینوں میں برقی آلات کا غیر ضروری استعمال کم کریں اور ایک ذمہ دار شہری کا کردار ادا کرتے ہوئے محکمہ برقیات کے ساتھ تعاون کریں۔ دورے کے آخر میں سول سوسائٹی کے ممبران نے محکمۂ برقیات کے افسران اور عملے کا شکریہ ادا کرتے ہوئے شگر کے عوام کو پیشگی مبارکباد بھی دی۔
0
