شگر ڈپٹی کمشنر کی ہدایات پر انسدادِ خسرہ و روبیلا مہم کے فکسڈ سنٹرز کا تفصیلی معائنہ،
رپورٹ 5سی این نیوز
ڈپٹی کمشنر شگر عارف حسین کی ہدایات کی روشنی میں ریوینیو افسران اور دیگر متعلقہ افیشلز نے انسدادِ خسرہ و روبیلا (Measles & Rubella) مہم کے دوران اپنے اپنے حلقوں میں محکمۂ صحت کی جانب سے قائم فکسڈ سنٹرز کا تفصیلی دورہ کیا۔ افسران نے دورے کے دوران مہم کی ٹارگٹڈ کارکردگی، فکسڈ سنٹرز اور فیلڈ ہیلتھ ٹیموں کی حاضری کے ریکارڈ، ویکسینیشن عملے کی دستیابی و کارکردگی، مہم کے انتظامی، عملی اور تکنیکی امور کا باریک بینی سے جائزہ لیا۔ اس موقع پر انہوں نے ریکارڈ کی باقاعدہ جانچ پڑتال کی اور موقع پر موجود ٹیموں کو ضروری ہدایات بھی جاری کیں۔انتظامیہ کے مطابق ضلع شگر میں جاری انسدادِ خسرہ و روبیلا مہم کو مؤثر اور ہدف کے مطابق مکمل کرنے کے لیے تمام محکمے باہمی رابطے اور تعاون کے ساتھ خدمات انجام دے رہے ہیں، اور فیلڈ مانیٹرنگ کا عمل تسلسل کے ساتھ جاری ہے