شگر مرکزی جامع مسجد چھوترون میں یومِ القدس کا عظیم اجتماع، انجمن امامیہ بلتستان کی جانب سے پیش کردہ چارٹر آف ڈیمانڈ کی مکمل حمایت کا اعلان کرتے ہیں امام مرکزی جامع مسجد چھوترون
رپورٹ، عابد شگری 5 سی این نیوز
شگر مرکزی جامع مسجد چھوترون میں یومِ القدس کا عظیم اجتماع، انجمن امامیہ بلتستان کی جانب سے پیش کردہ چارٹر آف ڈیمانڈ کی مکمل حمایت کا اعلان کرتے ہیں امام مرکزی جامع مسجد چھوترون
شگر مرکزی جامع مسجد چھوترون میں یومِ القدس کا عظیم اجتماع، مرکزی جامع مسجد چھوترون میں بعد از نماز جمعہ یومِ القدس کے موقع پر ایک عظیم الشان اجتماع منعقد ہوا۔ پروگرام کا آغاز باقاعدہ تلاوت کلام الٰہی سے کیا گیا۔ اجتماع میں علاقہ باشہ تسر کے تمام علماء کرام، بزرگان، اور جوانان کی بڑی تعداد نے شرکت کی۔ شرکاء نے اسرائیل اور امریکہ کے خلاف شدید نعرہ بازی کی اور اس موقع پر اسرائیلی مصنوعات کے بائیکاٹ کا اعلان بھی کیا۔
علما کرام نے اجتماع سے خطاب کرتے ہوئے شہید رہبر معظم آیت اللہ خامنہ ای کے مشن پر ثابت قدم رہنے کی تلقین کی۔ سید عباس الموسوی نے شرکاء سے مخاطب ہوتے ہوئے کہا کہ اس دور حاضر میں محتاط رویہ اختیار کرنا اور مذہبی ہم آہنگی کو فروغ دینا ہر فرد کی ذمہ داری ہے۔ انہوں نے خاص طور پر جوانان اور سوشل میڈیا ورکرز سے درخواست کی کہ وہ سوشل میڈیا پر کسی غیر مہذبانہ پوسٹ یا تبصرے سے گریز کریں۔ اس موقع پر ایک قرارداد بھی متفقہ طور پر پیش کی گئی، جس میں نو منتخب رہبر معظم آیت اللہ مجتبیٰ خامنہ ای کو شہید رہبر معظم کی شہادت پر تعزیت و تسلیت پیش کرتے ہوئے مبارکباد دی گئی اور ان کے ساتھ تجدید عہد کا اعلان کیا گیا۔ مزید برآں، انجمن امامیہ بلتستان کی جانب سے پیش کردہ چارٹر آف ڈیمانڈ کی مکمل حمایت کا اعلان بھی کیا گیا۔ شرکاء نے یہ بھی زور دیا کہ شہید رہبر معظم کے جسد مطہر کی تدفین نہ ہونے کے باعث عید الفطر انتہائی شائستگی اور نرمی کے ساتھ منائی جائے۔ پروگرام کا اختتام شہید رہبر معظم انقلاب اسلامی کے پر فتوح روح کے ایصال ثواب کے لیے خصوصی دعا اور فاتحہ خوانی کے ساتھ ہوا۔
urdu news Yaum-e-Quds Gathering
ایک دور ،ایک وعدہ اور خواب. ثمینہ یونس چھوربٹ گانچھے
