سکردو میں غیر معیاری کوکنگ آئل، مصالحہ جات اور ایل پی جی گیس کی فروخت کا انکشاف
رپورٹ، 5 سی این نیوز
شہر میں غیر معیاری کوکنگ آئل، مصالحہ جات اور ایل پی جی گیس کی فروخت کے سنسنی خیز انکشافات سامنے آئے ہیں جس کے بعد شہریوں میں شدید تشویش کی لہر دوڑ گئی ہے۔ معتبر ذرائع کے مطابق چند عناصر مبینہ طور پر غیر معیاری اور دو نمبر اشیاء سکردو منتقل کرکے فروخت کر رہے ہیں، جس سے نہ صرف عوام کی صحت کو خطرات لاحق ہیں بلکہ انہیں مالی نقصان کا بھی سامنا کرنا پڑ رہا ہے۔

Thank you for reading this post, don't forget to subscribe!

ذرائع کا کہنا ہے کہ سکردو کے بعض ایل پی جی ڈیلرز مبینہ طور پر شناگ، بٹل، کوٹھلی اور پائن سوات کے علاقوں سے غیر معیاری گیس سلنڈرز میں بھروا کر لاتے ہیں۔ الزام ہے کہ ان سلنڈرز میں گیس کی مقدار کم جبکہ ہوا زیادہ بھری جاتی ہے، جس کے باعث صارفین کو مکمل وزن اور معیار نہیں مل پاتا۔ شہریوں نے شکایت کی ہے کہ گیس جلد ختم ہو جاتی ہے اور کھانا پکانے میں بھی مسائل پیش آتے ہیں۔

اسی طرح غیر معیاری کوکنگ آئل اور مصالحہ جات کی فروخت سے متعلق بھی شکایات موصول ہو رہی ہیں۔ طبی ماہرین کے مطابق ناقص اور غیر معیاری اشیائے خوردونوش کے استعمال سے معدے، جگر اور دیگر امراض میں اضافہ ہو سکتا ہے۔

شہریوں نے ضلعی انتظامیہ اور متعلقہ اداروں سے مطالبہ کیا ہے کہ فوری طور پر مارکیٹوں کی جامع چیکنگ کی جائے، غیر معیاری اشیاء فروخت کرنے والوں کے خلاف سخت کارروائی عمل میں لائی جائے اور ذمہ داران کو قانون کے کٹہرے میں لایا جائے تاکہ عوام کو مختلف بیماریوں سے بچایا جا سکتے ہیں

urdu news update Substandard Cooking Oil

>گریجویشن کے بعد بندہ کریں تو کیا کرے. طہٰ علی تابش بلتستانی

دہشت گردی ، ریاستی چیلنج یا فکری شکست. سلیم خان

ایجوکیشن فیلوز کی ایک اور کامیابی ، ہائیر سیکنڈری اسکول شگری کلان میں فری ونٹر کیمپ کی پروقار اختتامی تقریب منعقد ہوئی