شگر ، جی بی فوڈ ایکٹ 2022 پر سخت عملدرآمد، مختلف بازاروں میں کریک ڈاؤن
رپورٹ، 5 سی این نیوز
شگر جی بی فوڈ ایکٹ 2022 پر سخت عملدرآمد، مختلف بازاروں میں کریک ڈاؤن, شگر میں Gilgit-Baltistan Food Act 2022 پر مؤثر اور سخت عملدرآمد کو یقینی بنانے کے لیے فوڈ ڈیپارٹمنٹ شگر نے بڑے پیمانے پر کریک ڈاؤن کیا۔ یہ کارروائی ڈسٹرکٹ فوڈ کنٹرولر (DFC) سید طاہر حسین کی خصوصی ہدایت پر عمل میں لائی گئی۔فوڈ انسپکٹرز اختر عباس، منیر احمد، علی جوہر اور احمد علی پر مشتمل ٹیم نے شگر بازار، یو سی چھورکاہ اور یو سی الچوڑی کے مختلف مارکیٹوں، دکانوں، ہوٹلز، بیکریوں اور جنرل اسٹورز کا تفصیلی معائنہ کیا۔ کارروائی کے دوران متعدد دکانداروں کو صفائی کی ناقص صورتحال، اشیائے خوردونوش کی غیر معیاری اور غلط اسٹوریج، زائد المعیاد اشیاء کی موجودگی اور سرکاری نرخناموں کی عدم دستیابی پر وارننگ نوٹس جاری کیے گئے۔ بعض مقامات پر فوری بہتری کی ہدایات بھی جاری کی گئیں جبکہ متعلقہ افراد کو سختی سے متنبہ کیا گیا کہ آئندہ قانون کی خلاف ورزی کی صورت میں جرمانے اور دیگر قانونی کارروائی عمل میں لائی جائے گی۔ فوڈ ٹیم نے اس موقع پر دکانداروں کو ہدایت دی کہ وہ اشیائے خوردونوش کی مناسب ذخیرہ اندوزی، صفائی کے معیار کی بہتری، ایکسپائری ڈیٹ کی پابندی اور سرکاری نرخنامے نمایاں جگہ پر آویزاں کرنے کو یقینی بنائیں تاکہ عوام کو معیاری اور محفوظ خوراک کی فراہمی ممکن ہو سکے۔ ڈی ایف سی سید طاہر حسین نے واضح کیا کہ عوام کی صحت کے تحفظ پر کوئی سمجھوتہ نہیں کیا جائے گا اور فوڈ ایکٹ کی خلاف ورزی کرنے والوں کے خلاف بلا امتیاز کارروائی جاری رہے گی۔ انہوں نے کہا کہ یہ مہم تسلسل کے ساتھ جاری رکھی جائے گی تاکہ ضلع شگر میں محفوظ اور معیاری خوراک کی فراہمی یقینی بنائی جا سکے۔ عوامی و سماجی حلقوں نے فوڈ ڈیپارٹمنٹ کی اس اقدام کو خوش آئند قرار دیتے ہوئے مطالبہ کیا ہے کہ ایسی کارروائیاں مستقل بنیادوں پر جاری رکھی جائیں تاکہ بازاروں میں حفظانِ صحت کے اصولوں پر مکمل عملدرآمد ممکن ہو۔

Thank you for reading this post, don't forget to subscribe!

urdu news update Strict Enforcement of the GB Food Act 2022

بینظیر انکم سپورٹ پروگرام، احساس پروگرام اور علماۓ کرام کی ذمہ داری. سید ہ سکینہ عراقی ایڈوکیٹ

ٹی ٹوئنٹی ورلڈکپ: پاکستان کا بھارت کے خلاف ٹاس جیت کر پہلے فیلڈنگ کا فیصلہ

شگر بازار میں فوڈ ایکٹ 2022 پر عملدرآمد کیلئے چیکنگ مہم، متعدد دکانوں کو وارننگ