اسکردو پولیس کا راولپنڈی میں بڑی کاروائی، بدنام زمانہ منشیات فروش شجاعت عرف جنگی کو راولپنڈی سے گرفتار کر لیا
رپورٹ، 5 سی این نیوز
اسکردو پولیس کا راولپنڈی میں بڑی کاروائی، بدنام زمانہ منشیات فروش شجاعت عرف جنگی کو راولپنڈی سے گرفتار کر لیا
سکردو پولیس نے منشیات کے خلاف جاری کریک ڈاؤن کے دوران بدنام زمانہ منشیات فروش شجاعت عرف جنگی کو راولپنڈی سے گرفتار کر لیا۔ ملزم پہلے بھی منشیات کی اسمگلنگ میں ملوث رہ چکا ہے اور قانون نافذ کرنے والے اداروں کو مطلوب تھا۔
تفصیلات کے مطابق گزشتہ ماہ سکردو پولیس نے خفیہ اطلاع پر کارروائی کرتے ہوئے گلگت سے سکردو بھیجی جانے والی ایک ٹویوٹا گاڑی سے دس کلو گرام چرس برآمد کی تھی اور مقدمہ درج کیا تھا، تاہم کارروائی کے دوران ملزم موقع سے فرار ہونے میں کامیاب ہوگیا تھا۔ ڈی آئی جی بلتستان طفیل احمد اور ایس ایس پی سکردو حسن علی، ایس ڈی پی او غلام نبی اور ڈی ایس پی ہیڈکوارٹر غلام علی کی ہدایات پر ڈسٹرکٹ پولیس کے اہلکار امجد علی، عمران حسین اور تھانہ سٹی کے جوان عارف زاور کو خصوصی مشن پر راولپنڈی روانہ کیا گیا۔ ذرائع کے مطابق ایس ڈی پی او غلام نبی نے ذاتی ذرائع اور جدید تکنیکی بنیادوں پر ملزم کا سراغ لگایا۔ اطلاع ملی کہ ملزم بینظیر بھٹو ہسپتال راولپںڈی کے حدود میں موجود ہے۔ اس پر فوری کارروائی کرتے ہوئے پولیس ٹیم کو موقع پر پہنچنے کی ہدایت کی گئی۔ ایس ڈی پی او کے مخبر نے ملزم کو حیلے بہانے سے روکے رکھا، جس کے بعد پولیس اہلکاروں نے بروقت کارروائی کرتے ہوئے ملزم کو گرفتار کر لیا۔ ملزم کی گرفتاری تک ایس ڈی پی او غلام نبی مسلسل اسلام آباد اور راولپنڈی میں موجود اہلکاروں سے مسلسل رابطے رہیں اور مخبر کی مدد سے ملزم کی نقل و حرکت پر نظر رکھے ہوئے تھے۔ پولیس حکام کا کہنا ہے کہ منشیات فروشوں کے خلاف بلاامتیاز کارروائیاں جاری رہیں گی۔
urdu news update Skardu Police Conduct Major Operation
بی آئی ایس پی کے تحت مستحق خواتین کیلئے خوشخبری، سہ ماہی قسط میں ایک ہزار روپے اضافہ
