سکردو روڈ پر ٹریفک بحالی کے لیے ہنگامی اقدامات, گزشتہ روز لمسہ پڑی کے مقام پر پیش آنے والے ٹرک حادثے کے باعث شگر۔سکردو روڈ پر ٹریفک کی روانی شدید متاثر ہو گئی تھی
شگر لمسہ پڑی ٹرک حادثہ، شگر۔سکردو روڈ پر ٹریفک بحالی کے لیے ہنگامی اقدامات, گزشتہ روز لمسہ پڑی کے مقام پر پیش آنے والے ٹرک حادثے کے باعث شگر۔سکردو روڈ پر ٹریفک کی روانی شدید متاثر ہو گئی تھی، جس کے نتیجے میں مسافروں اور گاڑیوں کو شدید مشکلات کا سامنا کرنا پڑا۔ صورتحال کا نوٹس لیتے ہوئے اسسٹنٹ کمشنر شگر فیصل حیات گوندل نے فوری طور پر متعلقہ اداروں کو ہنگامی اقدامات کی ہدایات جاری کیں۔ ان کی ہدایت پر نیٹکو، ضلعی انتظامیہ اور ریسکیو 1122 کی مشترکہ کوششوں سے حادثے کا شکار ٹرک روڈ سے ہٹانے کا عمل شروع کیا گیا جو تاحال جاری ہے۔ ضلعی انتظامیہ کی جانب سے بھاری مشینری کی مدد سے ٹرک کو سڑک سے ہٹایا جا رہا ہے تاکہ شگر۔سکردو روڈ کو جلد از جلد ٹریفک کے لیے مکمل طور پر بحال کیا جا سکے۔ اسسٹنٹ کمشنر شگر فیصل حیات گوندل نے موقع پر جاری آپریشن کی نگرانی کرتے ہوئے متعلقہ اداروں کو ہدایت کی کہ عوام کو مزید مشکلات سے بچانے کے لیے کام میں تیزی لائی جائے اور ٹریفک کی بحالی کو یقینی بنایا جائے۔

urdu news update Restore Traffic on shigar Skardu Road

اسلام آباد ، شہزاد ٹاؤن اسلام آباد خدیجتہ الکبریٰ امام بارگاہ میں خودکش دھماکے کی شدید مذمت ، پاکستان تحریک انصاف گلگت بلتستان