شگر، الیکشن میں حصہ لینے کا مقصد صرف ووٹ حاصل کرنا نہیں بلکہ ظلم و ناانصافی کے خلاف مضبوط آواز بلند کرنا اور معاشرے میں شعور و بیداری پیدا کرنا ہے، معروف عالمِ دین شیخ زکاوت علی نصرالدین
شگر معروف عالمِ دین شیخ زکاوت علی نصرالدین نے کہا کہ الیکشن میں حصہ لینے کا مقصد صرف ووٹ حاصل کرنا نہیں بلکہ ظلم و ناانصافی کے خلاف مضبوط آواز بلند کرنا اور معاشرے میں شعور و بیداری پیدا کرنا ہے۔ ہماری جدوجہد کا ہدف اُن تمام قوتوں کے منفی اثرات کو محدود کرنا ہے جو خطے کے امن، انصاف اور انسانی حقوق کی راہ میں رکاوٹ بنتی ہیں۔ انہوں نے حالیہ واقعے میں حزب اللہ کے ایک اعلیٰ کمانڈر کی جانسوز شہادت پر گہرے دکھ اور افسوس کا اظہار کرتے ہوئے شہداء کے لواحقین اور قیادت سے تعزیت پیش کی، اور اس بات پر زور دیا کہ راہِ شہادت اہلِ حق کا شرف بھی ہے اور ان کی میراث بھی۔ شیخ زکاوت علی نصرالدین نے کہا کہ ہمارے نوجوان، خواہ وہ کھیل کے میدانوں میں ہوں یا تعلیمی اداروں میں—غیر ضروری اختلافات میں الجھ کر اپنی اصل منزل سے دور ہو رہے ہیں، جبکہ دوسری جانب ہمارے اجتماعی حقوق عالمی سطح پر مختلف دباؤ کا سامنا کر رہے ہیں۔
ان کے مطابق خطے میں وسائل کی کمی نہیں، کمی صرف عزم، نظم و ضبط اور اجتماعی ہمت کی ہے۔ انہوں نے کہا کہ ہماری ذمہ داری ہے کہ ہم اپنی صلاحیتوں پر اعتماد کرتے ہوئے معاشی، تعلیمی اور سماجی میدانوں میں خود کو مضبوط کریں۔ وقت آ چکا ہے کہ ہم اپنے حقوق، اپنے مستقبل اور اپنی آنے والی نسلوں کے لیے متحد ہو کر فیصلہ کن قدم اٹھائیں۔ شیخ زکاوت علی نصرالدین نے زور دیا کہ اجتماعی ارادے، بیداری اور مستقل محنت کے ذریعے ہم ہر رکاوٹ کو عبور کر سکتے ہیں اور اپنے خطے کو امن، وقار اور ترقی کی راہ پر گامزن کر سکتے ہیں۔
شگر باشہ کے شہریوں کے لیے صحت کے شعبے میں ایک انقلابی قدم اٹھاتے ہوئے علاقے کا پہلا جدید آئی ایم آئی ڈیجیٹل کلینک باقاعدہ طور پر کھول دیا گیا۔
urdu news update, Raising Strong Voice Against Injustice
