شگر نوربخشیہ برادری کی جانب سے مرکزی خانقاہ معلیٰ شگر میں رہبرِ معظم انقلاب اسلامی آیت اللہ سید علی خامنہ ایؒ کے ایصالِ ثواب کے لیے نمازِ جمعہ کے بعد قرآن خوانی اور فاتحہ خوانی کا اہتمام کیا گیا
رپورٹ، 5 سی این نیوز
شگر نوربخشیہ برادری کی جانب سے مرکزی خانقاہ معلیٰ شگر میں رہبرِ معظم انقلاب اسلامی آیت اللہ سید علی خامنہ ایؒ کے ایصالِ ثواب کے لیے نمازِ جمعہ کے بعد قرآن خوانی اور فاتحہ خوانی کا اہتمام کیا گیا۔ اس روحانی تقریب میں علماء کرام، عمائدینِ علاقہ اور مومنین کی بڑی تعداد نے شرکت کی۔ تقریب کے دوران مقررین نے رہبرِ معظم انقلاب اسلامی آیت اللہ سید علی خامنہ ایؒ کی دینی، علمی اور فکری خدمات کو خراجِ عقیدت پیش کرتے ہوئے کہا کہ ان کی تعلیمات امتِ مسلمہ کے لیے اتحاد، بیداری اور حق و انصاف کی راہ متعین کرتی ہیں۔ انہوں نے کہا کہ مرحوم کی جدوجہد اور افکار عالمِ اسلام کے لیے رہنمائی کا ایک اہم ذریعہ ہیں۔اس موقع پر مرحوم کے ایصالِ ثواب کے لیے قرآن خوانی اور فاتحہ خوانی کی گئی جبکہ ملک پاکستان کی سلامتی، استحکام اور ترقی کے لیے خصوصی دعائیں مانگی گئیں۔ شرکاء نے پاکستان کے امن و استحکام کے لیے دعا کی اور پاک فوج کی کامیابی، سربلندی اور ملک کی سرحدوں کے دفاع کے لیے بھی خصوصی دعا کی۔ تقریب کے اختتام پر عالمِ اسلام کے اتحاد، امن و بھائی چارے اور مظلوم مسلمانوں کی مدد کے لیے بھی اجتماعی دعا کی گئی۔

Thank you for reading this post, don't forget to subscribe!

urdu news update Quran Recitation

سکردو میں 7 مارچ کو سکیورٹی پلان نافذ، رات کا کرفیو برقرار

شگر جامع مسجد امامیہ شگر میں شہید رہبرِ معظم سید علی خامنہ ایؒ کو خراجِ تحسین پیش کرنے اور ان کے بلندیٔ درجات کے لیے فاتحہ خوانی، قرآن خوانی اور مجلسِ ترحیم کا انعقاد کیا گیا

سانحۂ گلگت بلتستان انسانی جانوں کا ضیاع، ریاستی طاقت کا استعمال اور شفاف تحقیقات کی ضرورت . جی ایم ایڈوکیٹ