شگر میں رہبرِ معظم کی شہادت پر دوسرے روز بھی سوگ و احتجاج، اسرائیل و امریکہ کے خلاف نعرے، ضلع شگر میں رہبرِ معظم کی شہادت پر دوسرے روز بھی فضا سوگوار
رپورٹ، عابد شگری 5 سی این نیوز
شگر میں رہبرِ معظم کی شہادت پر دوسرے روز بھی سوگ و احتجاج، اسرائیل و امریکہ کے خلاف نعرے، ضلع شگر میں رہبرِ معظم کی شہادت پر دوسرے روز بھی فضا سوگوار رہی۔ مختلف علاقوں میں احتجاجی جلسے اور جلوس نکالے گئے جن میں عوام کی بڑی تعداد نے شرکت کی۔ شرکا نے سیاہ پرچم اور بینرز اٹھا رکھے تھے جبکہ حسینی چوک شگر میں مرکزی اجتماع منعقد ہوا۔ جلسے سے خطاب کرتے ہوئے علما و مقررین نے رہبرِ معظم کی خدمات اور کردار کو خراجِ عقیدت پیش کیا۔ ان کا کہنا تھا کہ رہبرِ معظم اگر چاہتے تو زیرِ زمین رہ کر اپنی جان بچا سکتے تھے، تاہم انہوں نے ذاتی سلامتی کے بجائے اپنے مؤقف اور اصولوں کو ترجیح دی اور خطرات کے باوجود روزمرہ معمولات جاری رکھے۔ مقررین کے مطابق یہ طرزِ عمل ان کی جرات، استقامت اور قیادت کا مظہر تھا۔
مقررین نے اسرائیل اور امریکہ کو خطے میں کشیدگی کا ذمہ دار قرار دیتے ہوئے سخت تنقید کی اور انہیں جنگی جرائم کا مرتکب کہا۔ ان کا کہنا تھا کہ وہ عرب ممالک بھی اس صورتحال میں شریک ہیں جنہوں نے مبینہ طور پر انہیں اڈے یا سہولیات فراہم کیں۔ مقررین نے عالمی برادری سے مطالبہ کیا کہ وہ اس معاملے کا نوٹس لے اور خطے میں امن و استحکام کے لیے عملی کردار ادا کرے۔ خطاب کے دوران مقررین نے کہا کہ انشاء اللہ شکست اور رسوائی امریکہ اور اسرائیل کا مقدر بنے گی جبکہ ایران کو فتح و نصرت نصیب ہوگی۔ انہوں نے زور دیا کہ ظلم و جارحیت زیادہ دیر قائم نہیں رہ سکتی اور بالآخر حق کی کامیابی یقینی ہے۔ جلسے کے اختتام پر رہبرِ معظم کی بلندیٔ درجات، امتِ مسلمہ کے اتحاد اور خطے میں امن کے قیام کے لیے خصوصی دعا کی گئی۔ انتظامیہ کی جانب سے سیکیورٹی کے انتظامات کیے گئے تھے اور پروگرام پُرامن طور پر اختتام پذیر ہوا۔

urdu news update Protests Continue

سکردو: انجمن امامیہ بلتستان کے اہم مطالبات، عملدرآمد نہ ہونے پر احتجاج اور لانگ مارچ کا اعلان

یہ ایک تلخ مگر ناقابلِ انکار حقیقت ہے کہ پاکستان کی بڑی سیاسی جماعتوں میں سے کسی نے بھی ایران کے حق میں مضبوط اور واضح آواز بلند نہیں کی. استاد محترم محمدعلی منتظر