شگر گلاب پور اور وزیرپور میں بجلی بحران: قائم مقام ڈپٹی کمشنر کا دورہ، رمضان میں خصوصی بجلی فراہمی کی ہدایت، قائم مقام ڈپٹی کمشنر / اسسٹنٹ کمشنر شگر فیصل حیات گوندل نے گلاب پور اور وزیرپور کا دورہ
رپورٹ، 5 سی این نیوز
شگر گلاب پور اور وزیرپور میں بجلی بحران: قائم مقام ڈپٹی کمشنر کا دورہ، رمضان میں خصوصی بجلی فراہمی کی ہدایت، قائم مقام ڈپٹی کمشنر / اسسٹنٹ کمشنر شگر فیصل حیات گوندل نے گلاب پور اور وزیرپور کا دورہ کر کے عوامی مسائل کا جائزہ لیا۔ دورے کے دوران علاقہ مکینوں نے کایو بجلی گھر کی خرابی کے باعث جاری بجلی کی بندش پر شدید تشویش کا اظہار کیا اور فوری حل کا مطالبہ کیا۔ مقامی افراد نے بتایا کہ بجلی کی عدم فراہمی سے گھریلو صارفین، طلبہ اور کاروباری حضرات کو شدید مشکلات کا سامنا ہے، خصوصاً رمضان المبارک کے دوران صورتحال مزید سنگین ہو جاتی ہے۔ قائم مقام ڈپٹی کمشنر نے شکایات کا فوری نوٹس لیتے ہوئے محکمہ برقیات کو ہدایت کی کہ کایو بجلی گھر کی مرمت مکمل ہونے تک شگر پاور اسٹیشن سے تراویح، افطار اور سحری کے اوقات میں بجلی کی فراہمی ہر صورت یقینی بنائی جائے تاکہ شہریوں کو ریلیف فراہم کیا جا سکے۔ محکمہ برقیات کے حکام نے ضلعی انتظامیہ کو یقین دہانی کرائی کہ رمضان کے اہم اوقات میں بجلی کی بلا تعطل فراہمی یقینی بنائی جائے گی جبکہ کایو پاور ہاؤس کی مرمت کا کام تیزی سے جاری ہے اور جلد مکمل کر لیا جائے گا۔
دریں اثناء وزیرپور میں یونین کونسل کے عملے کی عدم موجودگی پر قائم مقام ڈپٹی کمشنر نے سخت برہمی کا اظہار کرتے ہوئے متعلقہ عملے کو وارننگ جاری کی اور آئندہ حاضری یقینی بنانے کی ہدایت کی۔ یونین کونسل سیکرٹری نواز کو دفتر طلب کر کے سرکاری فرائض میں غفلت پر سخت تنبیہ بھی کی گئی۔ فیصل حیات گوندل نے اس موقع پر کہا کہ رمضان المبارک میں عوام کو زیادہ سے زیادہ سہولیات کی فراہمی ضلعی انتظامیہ کی اولین ترجیح ہے اور بنیادی سہولیات میں کسی قسم کی کوتاہی برداشت نہیں کی جائے گی۔ضلعی انتظامیہ نے عوام سے اپیل کی ہے کہ کسی بھی شکایت کی صورت میں براہِ راست واٹس ایپ نمبر پر رابطہ کریں تاکہ بروقت کارروائی عمل میں لائی جا سکے۔

Thank you for reading this post, don't forget to subscribe!

urdu news update Power Crisis in Gulabpur and Wazirpur

شگر رمضان میں عوام کو سہولیات کی فراہمی یقینی بنانے کے لیے انتظامیہ متحرک، ہیڈکوارٹر بازار میں قیمتوں اور صفائی کا تفصیلی جائزہ،

گلگت بلتستان میں آئینی فقدا. ، محسن علی شگری

گلاب پور اور وزیر پور میں بدترین لوڈشیڈنگ، انسانی حقوق کی خلاف ورزی کے مترادف