شگر میں محکمہ جنگلات کی اہم اسامیاں طویل عرصے سے خالی ہونے کے باعث ادارہ شدید انتظامی بحران کا شکار ہو گیا
رپورٹ، 5 سی این نیوز
شگر میں محکمہ جنگلات کی اہم اسامیاں طویل عرصے سے خالی ہونے کے باعث ادارہ شدید انتظامی بحران کا شکار ہو گیا
شگر میں محکمہ جنگلات کی اہم اسامیاں طویل عرصے سے خالی ہونے کے باعث ادارہ شدید انتظامی بحران کا شکار ہو گیا ہے۔ دونوں اضلاع میں ڈویژنل فاریسٹ آفیسر (ڈی ایف او) کی نشستیں تقریباً ایک سال سے خالی ہیں، جس کے نتیجے میں جنگلات کے تحفظ، شجرکاری مہمات اور دیگر ترقیاتی منصوبے شدید متاثر ہو رہے ہیں۔ ذرائع کے مطابق ڈی ایف او کی عدم تعیناتی کے باعث تمام تر انتظامی امور کنزرویٹر کے سپرد ہیں، جس سے کام کا بوجھ غیر معمولی حد تک بڑھ چکا ہے اور اہم فیصلوں میں تاخیر معمول بن گئی ہے۔ مقامی عملہ واضح ہدایات نہ ملنے کے باعث غیر یقینی صورتحال کا شکار ہے، جس سے محکمانہ کارکردگی بری طرح متاثر ہو رہی ہے۔ علاقہ مکینوں اور سماجی حلقوں نے اس صورتحال پر گہری تشویش کا اظہار کرتے ہوئے کہا ہے کہ سکردو اور شگر کو سرسبز بنانے کے دعوے عملی اقدامات کے بغیر ادھورے ہیں۔ ان کا کہنا ہے کہ اگر فوری اقدامات نہ کیے گئے تو جنگلات کو ناقابل تلافی نقصان پہنچنے کا خدشہ ہے۔ عوامی حلقوں نے حکومت گلگت بلتستان سے مطالبہ کیا ہے کہ دونوں اضلاع میں فوری طور پر مستقل ڈی ایف او تعینات کیے جائیں تاکہ محکمہ جنگلات کو فعال بنایا جا سکے اور جاری منصوبوں کو دوبارہ مؤثر انداز میں بحال کیا جا سکے۔
urdu news update Positions Remain Vacant
61 ہجری کا کربلا اور آج کا کربلا . ایک حسینی کردار اور ایک یزید کردار . محمد ابرہیم نوری
