حالیہ 40 روزہ کشیدگی کے دوران پاکستان نے نہایت ذمہ داری، بصیرت اور جرات کا مظاہرہ کیا . استحکامِ پاکستان پارٹی کے رہنما کا اہم بیان
رپورٹ، 5 سی این نیوز
پاکستان پائندہ باد: استحکامِ پاکستان پارٹی کے رہنما کا اہم بیان
اسلام آباد: استحکامِ پاکستان پارٹی کے رہنما راجہ جلال حسین مقپون نے کہا ہے کہ حالیہ 40 روزہ کشیدگی کے دوران پاکستان نے نہایت ذمہ داری، بصیرت اور جرات کا مظاہرہ کرتے ہوئے ایک بار پھر خود کو ایک مضبوط اور باوقار ریاست ثابت کیا ہے۔
اپنے بیان میں انہوں نے کہا کہ پاکستانی عوام اور افواج کی غیر متزلزل قیادت نے دشمن کے عزائم کو ناکام بنایا اور دنیا پر واضح کیا کہ پاکستان کسی بھی چیلنج کا مقابلہ کرنے کی بھرپور صلاحیت رکھتا ہے۔ انہوں نے کہا کہ قوم کا اتحاد اور عزم ہر بڑے خطرے کو ٹال سکتا ہے اور آج دنیا اس حقیقت کو تسلیم کر رہی ہے۔
راجہ جلال حسین مقپون نے مزید کہا کہ پاکستان کی دفاعی صلاحیت صرف جغرافیائی سرحدوں تک محدود نہیں بلکہ نظریاتی اور سفارتی میدان میں بھی ملک نے اپنی برتری ثابت کی ہے۔ انہوں نے کہا کہ مشکل حالات میں پاکستان نے نہ صرف اپنی خودمختاری کا دفاع کیا بلکہ خطے میں امن کے قیام کے لیے بھی مثبت کردار ادا کیا۔
انہوں نے اس عزم کا اعادہ کیا کہ پاکستانی قوم اور قیادت ہر قسم کے خطرات کے مقابلے کے لیے تیار ہے اور ملک کے دفاع و استحکام کے لیے متحد ہے۔
urdu news update Pakistan Zindabad
وزیراعظم اور ایرانی صدر کا رابطہ، مسعود پزشکیان نے وفد کی پاکستان آمد کی تصدیق کردی
