پاکستان نے امریکہ اور ایران کے درمیان حالیہ کشیدگی کے دوران نہایت محتاط، متوازن اور مؤثر سفارتکاری کے ذریعے تناؤ میں کمی لانے میں مثبت اور قابلِ تحسین کردار ادا کیا. نگران صوبائی وزیر تعلیم و قانون بہادر علی خان
رپورٹ، 5 سی این نیوز
پاکستان نے امریکہ اور ایران کے درمیان حالیہ کشیدگی کے دوران نہایت محتاط، متوازن اور مؤثر سفارتکاری کے ذریعے تناؤ میں کمی لانے میں مثبت اور قابلِ تحسین کردار ادا کیا. نگران صوبائی وزیر تعلیم و قانون بہادر علی خان
گلگت نگران صوبائی وزیر تعلیم و قانون بہادر علی خان نے کہا ہے کہ پاکستان نے امریکہ اور ایران کے درمیان حالیہ کشیدگی کے دوران نہایت محتاط، متوازن اور مؤثر سفارتکاری کے ذریعے تناؤ میں کمی لانے میں مثبت اور قابلِ تحسین کردار ادا کیا ہے۔
انہوں نے کہا کہ 07 اپریل 2026ء کو ہونے والی پیش رفت کے نتیجے میں دونوں ممالک کے درمیان عارضی جنگ بندی پر اتفاق سامنے آیا جو خطے میں امن و استحکام کے لیے ایک اہم سنگِ میل ہے۔ انہوں نے مزید کہا کہ اس مثبت پیش رفت کے عالمی معاشی صورتحال خصوصاً تیل کی منڈی پر بھی خوشگوار اثرات مرتب ہونے کی توقع ہے۔
نگران صوبائی وزیر نے کہا کہ پاکستان نے ایک ذمہ دار ریاست کے طور پر دانشمندانہ متوازن اور مؤثر حکمتِ عملی اختیار کی جسے بین الاقوامی سطح پر سراہا جا رہا ہے۔ انہوں نے اس کامیاب سفارتی کاوش کا سہرا اسلامی جمہوریہ پاکستان کی قیادت کو دیتے ہوئے کہا کہ وزیرِ اعظم، فیلڈ مارشل آرمی چیف اور ان کی قیادت نے اس حوالے سے کلیدی کردار ادا کیا۔
انہوں نے اس امید کا اظہار کیا کہ پاکستان آئندہ بھی خطے میں امن، استحکام اور باہمی تعاون کے فروغ کے لیے اپنا مثبت کردار جاری رکھے گا۔
urdu news update Pakistan Played Praiseworthy Role
گلگت: اشکومن پریمیئر لیگ سیزن فائیو کے انعقاد کے لیے اہم ملاقات
