شگر میں لینڈ ریفارم ایکٹ کے تحت بوندو داس کی تقسیم کے حوالے سے ایک اہم اجلاس
رپورٹ، 5 سی این نیوز
شگر میں لینڈ ریفارم ایکٹ کے تحت بوندو داس کی تقسیم کے حوالے سے ایک اہم اجلاس قائم مقام ڈپٹی کمشنر فیصل حیات گوندل کی صدارت میں منعقد ہوا۔اجلاس میں بوندو ویلیج ویریفیکیشن کمیٹی کے اراکین نے شرکت کی۔ اجلاس کے دوران اراضی کی تقسیم، مستحقین کی فہرستوں کی جانچ پڑتال اور شفاف طریقۂ کار کے تحت عملدرآمد کے مختلف پہلوؤں پر تفصیلی غور کیا گیا۔ اسسٹنٹ کمشنر شگر نے ویلیج ویریفیکیشن کمیٹی کو ہدایت کی کہ مقامی عمائدین اور متعلقہ فریقین سے مشاورت کے بعد تمام ریکارڈ کی درستگی کو یقینی بنایا جائے تاکہ لینڈ ریفارم ایکٹ کے تحت اراضی کی منصفانہ اور شفاف تقسیم ممکن بنائی جا سکے۔ انہوں نے کہا کہ حکومت کی اولین ترجیح مستحق افراد کو ان کا حق فراہم کرنا اور کسی بھی قسم کی بے ضابطگی سے بچاؤ ہے۔ اجلاس میں کمیٹی اراکین نے اپنے تحفظات اور تجاویز پیش کیں، جنہیں بغور سنا گیا، جبکہ متعلقہ امور کے حل کے لیے ضروری اقدامات کی یقین دہانی کرائی گئی۔ اجلاس کے اختتام پر اس بات پر اتفاق کیا گیا کہ بوندو داس کی تقسیم کا تمام عمل قانون کے مطابق اور مکمل شفافیت کے ساتھ مکمل کیا جائے گا۔

Thank you for reading this post, don't forget to subscribe!

urdu news update Land Reform Act gilgit baltistan

وفاق پختونخوا کے ساتھ سوتیلی ماں جیسا سلوک کررہا ہے، 4400 ارب روپے سے زائد واجب الادا ہیں: سہیل آفریدی

گلگت ، نگر خاص: 16 سالہ لڑکی طبی معائنے اور علاج کے بعد لڑکے کی شناخت اختیار کر گئی علاقے میں ہلچل، حیران کن تفصلات

دکانداروں نے گاہکوں کو باہر نکلنے سے روکا، سانحہ گل پلازہ کی تحقیقات میں اہم انکشافات