گلگت بلتستان میں رہبرِ معظم آیت اللہ سید علی خامنہ ای کی شہادت کے موقع پر پیش آنے والے پرتشدد واقعات کی تحقیقات کے لیے جوڈیشل کمیشن قائم کر دیا
رپورٹ، 5 سی این نیوز
گلگت بلتستان میں رہبرِ معظم آیت اللہ سید علی خامنہ ای کی شہادت کے موقع پر پیش آنے والے پرتشدد واقعات کی تحقیقات کے لیے جوڈیشل کمیشن قائم کر دیا گیا ہے۔ اس سلسلے میں باقاعدہ نوٹیفکیشن جاری کر دیا گیا ہے۔
نوٹیفکیشن کے مطابق جسٹس ملک عنایت الرحمان کو جوڈیشل کمیشن کا سربراہ مقرر کیا گیا ہے جبکہ جسٹس جوہر علی خان اور جسٹس جہانزیب خان کمیشن کے ممبران ہوں گے۔ جوڈیشل کمیشن کے قیام کی منظوری ایپکس کمیٹی کی سفارشات کی روشنی میں نگران کابینہ نے دی جس کے بعد باضابطہ نوٹیفکیشن جاری کیا گیا۔
جوڈیشل کمیشن کو ہدایت کی گئی ہے کہ وہ تین ہفتوں کے اندر گلگت بلتستان میں پیش آنے والے پرتشدد واقعات کی مکمل تحقیقات کرے۔ کمیشن نہ صرف واقعات کے محرکات اور ذمہ داران کا تعین کرے گا بلکہ آئندہ اس نوعیت کے واقعات کی روک تھام کے لیے بھی سفارشات مرتب کرے گا۔
اس کے علاوہ کمیشن متاثرہ علاقوں میں جانی و مالی نقصانات کے ازالے کے لیے بھی اپنی سفارشات حکومت کو پیش کرے گا۔

Thank you for reading this post, don't forget to subscribe!

urdu news update Judicial Commission Established

اسکردو بلتستان اسٹوڈنٹس فیڈریشن کی کرفیو کے باعث تعلیمی و معاشی سرگرمیوں کی بندش پر تشویش کا اظہار

راولپنڈی بلتستان سٹوڈنٹس فیڈریشن (بی ایس ایف) راولپنڈی/اسلام آباد کے زیرِ اہتمام تقریبِ حلف برداری اور افطار پارٹی کا انعقاد

دیدہ بینا۔بینائی سے بصیرت تک. سلیم خان