شگر ڈپٹی کمشنر شگر عارف حسین کی صدارت میں قدرتی آفات سے نمٹنے کے حوالے سے اہم اجلاس
رپورٹ، 5 سی این نیوز
شگر ڈپٹی کمشنر شگر عارف حسین کی صدارت میں قدرتی آفات سے نمٹنے کے حوالے سے اہم اجلاس
شگر ڈپٹی کمشنر شگر عارف حسین کی صدارت میں قدرتی آفات سے نمٹنے کے حوالے سے اہم اجلاس منعقد ہوا، جس میں متعلقہ محکموں کے افسران نے شرکت کی۔ اجلاس میں ممکنہ قدرتی آفات خصوصاً سیلاب اور طغیانی کی صورت میں انسانی جانوں کے تحفظ، نقصانات کو کم سے کم کرنے اور بروقت ریسکیو اقدامات کو یقینی بنانے پر تفصیلی غور کیا گیا۔ اجلاس کے دوران مختلف اداروں کی ذمہ داریوں کا تعین کیا گیا جبکہ ہنگامی حالات میں باہمی رابطے اور فوری ردعمل کو مزید مؤثر بنانے پر اتفاق کیا گیا۔ ڈپٹی کمشنر نے ہدایت دی کہ تمام متعلقہ محکمے پیشگی حفاظتی اقدامات کو یقینی بنائیں، حساس علاقوں کی نشاندہی کریں اور ریسکیو و ریلیف کے لیے درکار وسائل ہر وقت تیار رکھیں۔ انہوں نے اس بات پر بھی زور دیا کہ آفات کے بعد متاثرہ علاقوں میں فوری بحالی، بنیادی سہولیات کی فراہمی اور انفراسٹرکچر کی مرمت کو ترجیح دی جائے۔ مزید برآں انہوں نے ہدایت کی کہ مقامی رضاکاروں اور سرکاری عملے کے درمیان مؤثر ہم آہنگی کے لیے مشترکہ تربیتی پروگرامز اور عملی مشقیں (موک ڈرلز) منعقد کی جائیں تاکہ کسی بھی ہنگامی صورتحال میں فوری اور مربوط ردعمل یقینی بنایا جا سکے۔ اجلاس کے اختتام پر اس عزم کا اظہار کیا گیا کہ ضلعی انتظامیہ ہر ممکن اقدامات بروئے کار لاتے ہوئے عوام کے جان و مال کے تحفظ کو یقینی بنائے گی۔

Thank you for reading this post, don't forget to subscribe!

urdu news update Important Meeting on Natural Disaster

انسان خطا کا پتلا . تحریر: طوبیٰ رحمٰن

گھر کیسے چلے گا !! طہٰ علی تابشٓ بلتستانی

شگر انجمن امامیہ سکردو اور انجمن امامیہ شگر نے برطرف پولیس اہلکاروں کی فوری بحالی کا مطالبہ کر دیا۔