شگر امن و امان کے قیام کیلئے انتظامیہ اور وکلاء کا مشترکہ لائحہ عمل، ڈپٹی کمشنر شگر کی زیر صدارت اہم اجلاس، ڈپٹی کمشنر شگر عارف حسین کی زیر صدارت ڈسٹرکٹ بار ایسوسی ایشن شگر کا ایک اہم اجلاس
رپورٹ، 5 سی این نیوز
شگر امن و امان کے قیام کیلئے انتظامیہ اور وکلاء کا مشترکہ لائحہ عمل، ڈپٹی کمشنر شگر کی زیر صدارت اہم اجلاس، ڈپٹی کمشنر شگر عارف حسین کی زیر صدارت ڈسٹرکٹ بار ایسوسی ایشن شگر کا ایک اہم اجلاس
شگر امن و امان کے قیام کیلئے انتظامیہ اور وکلاء کا مشترکہ لائحہ عمل، ڈپٹی کمشنر شگر کی زیر صدارت اہم اجلاس، ڈپٹی کمشنر شگر عارف حسین کی زیر صدارت ڈسٹرکٹ بار ایسوسی ایشن شگر کا ایک اہم اجلاس منعقد ہوا، جس میں ضلع بھر کی حالیہ امن و امان کی صورتحال پر تفصیلی غور و خوض کیا گیا۔اجلاس میں ڈسٹرکٹ بار ایسوسی ایشن کے عہدیداران اور وکلاء برادری کے نمائندگان نے شرکت کی اور امن و امان کے قیام، عوامی تحفظ کو یقینی بنانے اور قانون کی بالادستی برقرار رکھنے کے حوالے سے اپنی آراء پیش کیں۔ شرکاء نے اس بات پر زور دیا کہ ضلع میں پائیدار امن کے قیام کے لیے تمام اسٹیک ہولڈرز کا مشترکہ کردار ناگزیر ہے۔ اس موقع پر خطاب کرتے ہوئے ڈپٹی کمشنر عارف حسین نے کہا کہ ضلعی انتظامیہ امن و امان کی صورتحال کو مزید بہتر بنانے کے لیے تمام دستیاب وسائل بروئے کار لا رہی ہے۔ انہوں نے وکلاء برادری کے کردار کو سراہتے ہوئے کہا کہ قانون کی حکمرانی کے فروغ اور انصاف کی فراہمی میں وکلاء کا کردار کلیدی حیثیت رکھتا ہے، اور انتظامیہ و وکلاء کے درمیان باہمی تعاون ناگزیر ہے۔ اجلاس کے دوران اس بات پر اتفاق کیا گیا کہ عوامی مسائل کے بروقت حل، امن و استحکام کے قیام اور قانون کی مؤثر عملداری کے لیے مشترکہ حکمت عملی اپنائی جائے گی۔ اس ضمن میں متعلقہ اداروں کے درمیان رابطہ کاری کو مزید مضبوط بنانے پر بھی زور دیا گیا۔اجلاس کے اختتام پر اس عزم کا اعادہ کیا گیا کہ ضلع شگر میں امن، انصاف اور قانون کی بالادستی کو ہر صورت یقینی بنایا جائے گا، اور اس مقصد کے لیے تمام ادارے باہمی ہم آہنگی کے ساتھ اپنی ذمہ داریاں ادا کریں گے۔
urdu news update Important Meeting on Law and Order in Shigar
شگر انجمن امامیہ شگر کے ضلعی صدر کے انتخاب کیلئے اہم اجلاس، سید عباس الموسوی متفقہ طور پر صدر منتخب،
