شگر ڈپٹی کمشنر شگر عارف حسین کی زیرِ صدارت محکمہ برقیات شگر کے افسران اور ضلع کی تینوں تحصیلوں کے تحصیلداران کا ایک اہم اجلاس
رپورٹ، 5 سی این نیوز
شگر ڈپٹی کمشنر شگر عارف حسین کی زیرِ صدارت محکمہ برقیات شگر کے افسران اور ضلع کی تینوں تحصیلوں کے تحصیلداران کا ایک اہم اجلاس
شگر ڈپٹی کمشنر شگر عارف حسین کی زیرِ صدارت محکمہ برقیات شگر کے افسران اور ضلع کی تینوں تحصیلوں کے تحصیلداران کا ایک اہم اجلاس منعقد ہوا، جس میں بجلی کے وولٹیج میں بہتری اور منصفانہ و مؤثر تقسیم سے متعلق امور پر تفصیلی غور و خوض کیا گیا۔ اجلاس میں ضلع بھر میں بجلی کی فراہمی کو درپیش مسائل، کم وولٹیج، لوڈ مینجمنٹ اور صارفین کو پیش آنے والی مشکلات کا جائزہ لیا گیا۔ محکمہ برقیات کے حکام نے مختلف علاقوں میں بجلی کی موجودہ صورتحال پر بریفنگ دیتے ہوئے مسائل کے حل کے لیے جاری اقدامات سے آگاہ کیا۔ڈپٹی کمشنر عارف حسین نے ہدایت کی کہ بجلی کی بلا تعطل فراہمی کو یقینی بنانے کے لیے فوری اور مؤثر اقدامات کیے جائیں، بالخصوص ان علاقوں پر خصوصی توجہ دی جائے جہاں کم وولٹیج اور غیر منصفانہ تقسیم کی شکایات زیادہ ہیں۔ انہوں نے واضح کیا کہ عوام کو بنیادی سہولیات کی فراہمی ضلعی انتظامیہ کی اولین ترجیح ہے اور اس سلسلے میں کسی قسم کی غفلت برداشت نہیں کی جائے گی۔اجلاس میں یہ بھی فیصلہ کیا گیا کہ تمام تحصیلداران اپنے اپنے علاقوں میں بجلی کی صورتحال کی مسلسل نگرانی کریں گے اور محکمہ برقیات کے ساتھ قریبی رابطہ رکھیں گے تاکہ مسائل کو بروقت حل کیا جا سکے. ڈپٹی کمشنر نے متعلقہ حکام کو ہدایت دی کہ عوامی شکایات کے ازالے کے لیے ایک مؤثر نظام وضع کیا جائے اور بجلی کی بہتر و منصفانہ تقسیم کے لیے مشترکہ حکمت عملی اپنائی جائے۔
urdu news update Important Meeting
والدین کی غفلت یا ٹیکنالوجی کا جال. محمد سکندر کونیسی
