اسلام آباد(پ ر) مسلم لیگ (ن) گانچھے کے رہنما آصف حسین ایڈووکیٹ نے اسپیکر قومی اسمبلی سردار ایاز صادق سے ان کے دفتر میں اہم ملاقات
رپورٹ، سی این نیوز
اسلام آباد(پ ر) مسلم لیگ (ن) گانچھے کے رہنما آصف حسین ایڈووکیٹ نے اسپیکر قومی اسمبلی سردار ایاز صادق سے ان کے دفتر میں اہم ملاقات کی۔ ملاقات میں گلگت بلتستان کی موجودہ سیاسی صورتحال، آئندہ انتخابات اور خطے میں پارٹی معاملات پر تفصیلی تبادلۂ خیال کیا گیا۔ اس موقع پر آصف حسین ایڈووکیٹ نے اسپیکر قومی اسمبلی کو ضلع گانچھے اور بلتستان کے دیگر علاقوں میں عوام کو درپیش مسائل سے آگاہ کیا اور گلگت بلتستان میں جاری سیاسی سرگرمیوں کے حوالے سے بھی بریفنگ دی۔ انہوں نے کہا کہ گلگت بلتستان کے عوام ترقی، بہتر طرزِ حکمرانی اور آئینی حقوق کے حصول کے لیے پرامید ہیں۔ اسپیکر قومی اسمبلی سردار ایاز صادق نے گفتگو کرتے ہوئے گلگت بلتستان کی ترقی اور وہاں جمہوری عمل کے استحکام کی ضرورت پر زور دیا اور کہا کہ وفاقی حکومت خطے کے مسائل کے حل اور عوامی فلاح و بہبود کے لیے سنجیدہ اقدامات کر رہی ہے۔ ملاقات میں آئندہ انتخابات کے حوالے سے سیاسی حکمت عملی اور عوامی رابطوں کو مزید مؤثر بنانے پر بھی بات چیت کی گئی۔
urdu news update Important Meeting
نگران وزیر اعلی نے انجمن امامیہ بلتستان کا دورہ، سید علی خامنائی کی شہادت پر تعزیت اور فاتحہ خوانی
پیٹرولیم مصنوعات کی قیمتوں میں اضافے کے بعد انٹرسٹی بس کرایوں میں بھی اضافہ
