اسلام آباد (پ ر)مسلم لیگ (ن) گانچھے کے رہنما آصف حسین ایڈووکیٹ نے اسلام آباد میں وفاقی وزیرِ اطلاعات و نشریات عطاء اللہ تارڑ سے ان کے چیمبر میں ملاقات
رپورٹ 5 سی این نیوز
اسلام آباد (پ ر)مسلم لیگ (ن) گانچھے کے رہنما آصف حسین ایڈووکیٹ نے اسلام آباد میں وفاقی وزیرِ اطلاعات و نشریات عطاء اللہ تارڑ سے ان کے چیمبر میں ملاقات کی۔ ملاقات کے دوران ملک کی مجموعی سیاسی صورتحال، آئندہ انتخابات اور گلگت بلتستان کے معاملات پر تفصیلی تبادلۂ خیال کیا گیا۔ اس موقع پر آصف حسین ایڈووکیٹ نے گانچھے اور گلگت بلتستان کے عوام کو درپیش مسائل، ترقیاتی امور اور خطے کی موجودہ صورتحال کے حوالے سے وفاقی وزیر کو آگاہ کیا۔ انہوں نے کہا کہ گلگت بلتستان کے عوام کی محرومیوں کے ازالے اور ترقیاتی منصوبوں کی تکمیل کے لیے وفاقی حکومت کی توجہ ناگزیر ہے۔ وفاقی وزیر اطلاعات عطاء اللہ تارڑ نے گفتگو کرتے ہوئے گلگت بلتستان کی ترقی اور عوامی مسائل کے حل کے لیے ہر ممکن تعاون کی یقین دہانی کرائی اور کہا کہ حکومت خطے کی بہتری اور استحکام کے لیے سنجیدہ اقدامات کر رہی ہے۔ ملاقات خوشگوار ماحول میں ہوئی اور باہمی دلچسپی کے امور پر بھی تبادلۂ خیال کیا گیا۔
Urdu news update Gilgit Baltistan news