شگر میں رہبر کی شہادت کے خلاف خواتین اور بچوں کا احتجاج، ریلی حسن شہید چوک سے برآمد، رہبر کی شہادت کے خلاف ضلع شگر میں خواتین اور بچوں نے بھی بھرپور احتجاجی مظاہرہ
رپورٹ، 5 سی این نیوز
شگر میں رہبر کی شہادت کے خلاف خواتین اور بچوں کا احتجاج، ریلی حسن شہید چوک سے برآمد، رہبر کی شہادت کے خلاف ضلع شگر میں خواتین اور بچوں نے بھی بھرپور احتجاجی مظاہرہ کیا اور ریلی نکالی۔ ریلی کا آغاز حسن شہید چوک سے ہوا جو مرکزی بازار اور حسینی چوک سے گزرتی ہوئی ڈسٹرکٹ کمپلیکس تک پہنچی اور بعد ازاں واپس حسن شہید چوک پر اختتام پذیر ہوئی۔ ریلی میں شریک خواتین ہاتھوں میں رہبر کی تصاویر اور پلے کارڈز اٹھائے ہوئے تھیں جن پر مختلف نعرے درج تھے۔ شرکا امریکہ اور اسرائیل کے خلاف نعرہ بازی کر رہے تھے اور اپنے جذبات کا اظہار کر رہے تھے۔ مظاہرین کا کہنا تھا کہ وہ اس واقعے کی شدید مذمت کرتے ہیں اور اس کے خلاف اپنی آواز بلند کرتے رہیں گے۔ اختتامی مقام پر مقررین نے خطاب کرتے ہوئے واقعے کی مذمت کی اور کہا کہ وہ اپنے موقف سے پیچھے نہیں ہٹیں گے۔ شرکا نے اتحاد و یکجہتی کے عزم کا اظہار کیا اور آخر میں دعا بھی کی گئی۔ ریلی پُرامن طور پر منتشر ہوگئی۔
urdu news update gilgit baltistan news
سکردو: انجمن امامیہ بلتستان کے اہم مطالبات، عملدرآمد نہ ہونے پر احتجاج اور لانگ مارچ کا اعلان
