اقتدار میں آکر پیو روڈ کی تعمیر ،دریا کو چینلائز کر کے اراضی کو عوام میں تقسیم اور پن بجلی گھروں کی تعمیر کر شگر کے عوام کو تحفہ دیں گے ۔ خالد خورشید کا ایڈوکیٹ حسن شگری سے ملاقات
شگر کی سیٹ جیت کر عمران خان اور جی بی کے کپتان کو تحفہ اور سیاسی مخالفین کر سر پراٸز دینگے ۔
امیدوار تحریک انصاف جی بی ایل اے 12 شگر حسن شگری ایڈوکیٹ
شگر (نمائندہ خصوصی) تحریک انصاف شگر کے صدر و امیدوار جی ایل اے 12 شگر حسن شگری ایڈوکیٹ نے گلگت بلتستان کے کپتان اور سابق وزیر اعلیٰ خالد خورشید سے اہم ملاقات کی جس میں آئندہ عام انتخابات کے سلسلے میں پاکستان تحریک انصاف کے صوبائی اور ضلعی منشور پر تفصیلی مشاورت کی گئی۔
ملاقات میں شگر کی بنیادی انفراسٹرکچر کی بہتری، جدید سفری سہولیات اور توانائی کے منصوبوں پر خصوصی غور کیا گیا۔ خالد خورشید نے واضح کیا کہ تحریک انصاف کی حکومت بننے کی صورت میں پیو روڈ کی تعمیر و بحالی، کوردو تا شگر میٹل روڈ اور ٹنل منصوبے کو ترجیحی بنیادوں پر مکمل کیا جائے گا تاکہ شگر کو دیگر اضلاع سے کم فاصلے اور محفوظ سفری سہولیات فراہم کی جا سکیں۔
انہوں نے مزید اعلان کیا کہ دریا کو چینلائز کر کے واگزار ہونے والی اراضی کو شفاف انداز میں عوام میں تقسیم کیا جائے گا جبکہ پن بجلی گھروں کے قیام سے علاقے میں سستی اور وافر بجلی کی فراہمی یقینی بنائی جائے گی۔
اس موقع پر خالد خورشید نے ہدایت کی کہ مذکورہ تمام ترقیاتی منصوبوں کو ضلع شگر کے انتخابی منشور میں لازمی شامل کیا جائے تاکہ عوام کے سامنے واضح ترقیاتی لائحہ عمل پیش کیا جا سکے۔ حسن شگری ایڈوکیٹ نے اس عزم کا اظہار کیا کہ شگر کی ترقی اور عوامی مسائل کے حل کے لیے ہر فورم پر بھرپور کردار ادا کیا جائے گا۔
urdu news update gilgit baltistan news
ٹی ٹوئنٹی ورلڈکپ: پاکستان کا بھارت کے خلاف ٹاس جیت کر پہلے فیلڈنگ کا فیصلہ
